Իշխանության ձեռագիրն է դառնում խայտառակ որոշումներ կայացնելը,ապա հերոսաբար դրանք վերացնելը. Խաչատրյանը՝ բանկային երաշխիքի նվազեցման մասին
Երեկ կառավարությունը որոշում ընդունեց վերանայել պետական գնումների շրջանակներում 100% բանկային երաշխիքների պահանջը՝ կտրուկ նվազեցնելով այն և սահմանելով երաշխիքի անհամեմատ ցածր շեմեր՝ գնման գումարից կախված: Այս մասին ֆեյսբուքյան իր էջում գրել է ԱԺ «Լուսավոր Հայաստան» խմբակցության պատգամավոր Արկադի Խաչատրյանը:
«Ակամայից հիշեցի, որ երբ ես և Լուսավոր Հայաստանի իմ այլ գործընկերներ ԱԺ-ում, մասնավորապես՝ Կառավարության հետ հարց պատասխանի ժամանակ, բարձրացնում էինք այդ հարցը, որ դա դժվար հաղթահարելի պահանջ է փոքր և միջին բիզնեսի համար և պետք է այն վերանայել, Վարչպետը մեզ մեղադրեց «նախկին ատկատչիկների» շահերը սպասարկելու մեջ:
Հիմա ինձ մոտ հարց է ծագում՝ իշխանությունը վերջապես բանկային երաշխիքի պահանջը վերանայելով՝
1.արդյո՞ք ինքն է սկսել սպասարկել իր իսկ նշած «նախկին ատկատչիկների» շահերը, թե՞
2.արդեն իսկ լուծել է «նախկին ատկատչիկների» հարցը և ձևավորել է իրեն յուրային «ատկատչիկներ», թե՞
3.վերջապես հասկացել է նախկին՝ իր իսկ որոշման խիստ բացասական ազդեցությունը փոքր և միջին բիզնեսի վրա, համոզվել է մեր իրավացի լինելու մեջ և որոշել է շտկել իր սխալը, սակայն ընտրությունների նախաշեմին ներկայացնելով այն որպես ժեստ մեր տնտեսավարողներին:
Արդեն իսկ ձեռագիր է դառնում իշխանության համար՝ նախ կայացնել խայտառակ որոշումներ, հետո հերոսաբար վերացնել դրանք, ներկայացնելով հանրությանը, թե տեսեք՝ ինչեր ենք անում Ձեր համար:
Չգիտես ծիծաղե՞ս, թե՞ լացես»,- գրել է Խաչատրյանը:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները