Ու՞մ է ձեռնտու Ադրբեջանով Հայաստան գազի մատակարարումը
Հայաստանը երեք շաբաթվա համար Ադրբեջանից գազի ներկրման կարիք չի ունենա, եթե, գործարքն ավելի երկարաժամկետ հեռանկար չի հետապնդում։ Այս մասին ֆեյսբուքյան իր էջում գրել է ՀՅԴ Բյուրոյի տնտեսական հետազոտությունների գրասենյակի պատասխանատու, տնտեսագետ Սուրեն Պարսյանը:
«Հայաստանը երեք շաբաթվա համար գազի պաշարներ ունի. ու՞մ է ձեռնտու Ադրբեջանով Հայաստան գազի մատակարարումը
Այսօր տեղեկություն տարածվեց, որ «Հյուսիսային Կովկաս-Անդրկովկաս» գազատարի պլանային կանխարգելիչ և վերանորոգման աշխատանքների ընթացքում (երեք շաբաթ) ռուսական գազը հայ սպառողներին կմատակարարվի Ադրբեջանի տարածքով: «Գազպրոմ էքսպորտ» ՍՊԸ-ն և Ադրբեջանի պետական նավթային ընկերությունը մարտի 16-ին կարճաժամկետ պայմանագիր են կնքել Ադրբեջանի տարածքով ռուսական գազի փոխադրման համար:
Նկատենք, որ Աբովյանի գազապահեստարանում կուտակված բնական գազի ծավալները լրիվ բավարար են երեք շաբաթից ավելի ապահովելու Հայաստանի ներքին պահանջարկը, այսինքն` Հայաստանը երեք շաբաթվա համար Ադրբեջանից գազի ներկրման կարիք չի ունենա, եթե, իհարկե այս գործարքն ավելի երկարաժամկետ հեռանկար չի հետապնդում։
Ուշագրավ է, որ ռազմական դրության մեջ գտնվող մեր երկրի կառավարությունը մինչ այս պահը չի արձագանքել այս որոշմանը և չի հստակեցրել, թե որքանո՞վ է այս որոշումը համապատասխանում ՀՀ շահերին։ Արդյունքում մնում է ենթադրել, որ այս գործարքի շարժառիթը Հայաստանի ենթակառուցվածքների ապաշրջափակման անվան տակ Նախիջևան-Ադրբեջան սուվերեն ճանապարհի զիջումն է, որին ամեն գնով փորձում է հասնել թուրք-ադրբեջանական տանդեմը: Այս կարճաժամկետ գործարքը ազդակ կարող է հանդիսանալ նաև վրացական կողմի համար»,- գրել է նա։
70 հազարից՝ մինչև 2 մլն դրամ․ խստացվում են կառուցապատողների նկատմամբ տուգանքները (տեսանյութ)
Սիրո անունը Հայաստան է
Առողջապահության նախարարությունը՝ Գագիկ Խաչատրյանի առողջական վիճակի մասին
Հանրակրթական ուսումնական հաստատությունների ավագ դասարաններում ներդրվել է «Ճանապարհային երթևեկության ...
Հայաստանի և Թուրքիայի մեդիա կարգավորողները կակտիվացնեն ոլորտային երկխոսությունը
Ընթանում է Գարեգին Բ-ի և 6 եպիսկոպոսի գործով դատական նիստը
Ռուսաստանը դրոնների հավաքման գործում ներգրավել է մինչև 25 հազար հյուսիսկորեացիների
Հանդիպում Համաշխարհային բանկի ներկայացուցիչների հետ
ԱԺ դահլիճում չարժի աստվածաբանական վեճեր ծավալել․ Ռուբինյան
Մանչեսթեր Սիթին սեփական հարկի տակ հաղթեց Նորվիչին