Լևանդովսկին 20 գոլ է խփել Բորուսիա Դ.-ին. պատմության մեջ՝ բոլորից շատ

«Բավարիայի» հարձակվող Ռոբերտ Լևանդովսկին Բունդեսլիգայի 24-րդ տուրի՝ Դորտմունդի «Բորուսիայի» հետ խաղում դարձել է հեթ-տրիկի հեղինակ: Խաղն ավարտվել է մյունխենցիների՝ 4-2 հաշվով հաղթանակով:

Opta-ն հայտնում է, որ Լևանդովսկին «Բորուսիայի» հետ անցկացրած 14 խաղում դարձել է 20 գոլի հեղինակ: Բունդեսլիգայի պատմության ոչ մի ֆուտբոլիստ դորտմունդցիներին ավելի շատ գոլ չի խփել:

Բունդեսլիգայի 2020/21 մրցաշրջանում Լևանդովսկին 23 խաղի է մասնակցել, որոնցում դարձել է 31 գոլի և 6 գոլային փոխանցման հեղինակ: Ռոբերտը թոփ-5 առաջնությունների լավագույն ռմբարկուն է: Չեմպիոնների լիգայում լեհ հարձակվողը 5 խաղի է մասնակցել և խփել 4 գոլ: