ՔԱԿ-ը և Fly Armenia-ի ղեկավարները լավատեղյակ են ինչ է կատարվել, ծածկադմփոց անելը այս հարցում չի հաջողվի. Նավիկ Խաչատրյան
ՔԱԿ-ը և Fly Armenia-ի ղեկավարները լավատեղյակ են ինչ է կատարվել և ինչ նպատակով է օդանավը իջել Թեհրանում, ծածկադմփոց անելը այս հարցում չի հաջողվի: Այս մասին ֆեյսբուքյան իր էջում գրել է ավիացիոն փորձագետ Նավիկ Խաչատրյանը:
«Մի լրացուցիչ գրառում էլ անեմ B737-300-ի թեմայով։
Fly Armenia-ն վարձակալությանբ է ձեռք բերել օդանավը։ Ինձ հասած տեղեկություններով վերջին 4-5 ամսվա ընթացքում Fly Armenia -ն սեփականատիրոջը չի վճարել պայմանավորված վարձակալության ամսեկան գումարները, ինչի հետևանքով սեփականատերը որոշել է չեղարկել վարձակալության պայմանագիրը և ետ ուզել իր գույքը։
Եթե օրենքով շարժվենք, ապա մեր ՔԱԿ-ը, հանդիսանալով ICAO-ի ներկայացուցիչը ՀՀ-ում, իմանալով որ մեր երկիրը վավերացրել է Քեյփթաունի կոնվենցիան` որը իր հերթին նմանօրինակ դեպքերում պահանջում է արտերկրյա սեփականատիրոջը ետ վերադարձներ իր գույքը, պետք է անմիջապես արգելեր Fly Armenia-ի կողմից օդանավի հետագա շահագործումը, ՀՀ օդային ռեեստրի մեջ չեղարկեր EK-FAA օդանավի գրանցումը (այսպես ասած deregistration աներ) և ՀՀ տարածքում օդանավը հանձներ սեփականատիրոջը կամ իրենց օդաչուական անձնակազմին։
Փոխարենը ՔԱԿ-ը, ցուցաբերելով վերահսկողական բացառիկ ունակություններ, հարգելով ՀՀ Ավիացիայի մասին օրենքը, ICAO-ի հանձնարարականները`գրանցում է Fly Armenia-ի օդանավը ՀՀ ռեեստրում այս տարվա հունվարի 8-ին…
Ավելին`թույլատրում է, որ օդանավը Երևանից թռնի Տալլին, հետո Վառնա, հետո Թեհրան`այս բոլորը Fly Armenia-յի թռիչքային կոդով և անձնակազմով…
ՔԱԿ-ը և Fly Armenia-ի ղեկավարները լավատեղյակ են ինչ է կատարվել և ինչ նպատակով է օդանավը իջել Թեհրանում, ծածկադմփոց անելը այս հարցում չի հաջողվի։
Իմ ունեցած տեղեկատվության համաձայն օդանավը Տալլինից թռել է Վառնա, այնտեղ ինչ որ տեխնիկական խնդիր է ունեցել, մնացել 1 օր, հետո ստացել է թույլտվություն թռչելու Վառնա-Շարջա, բայց վերջին պահին թռիչքային անձնակազմը փոխել է որոշումը և իջել Թեհրանում։ Հավելեմ, որ ասված չվերթով և հատկապես Վառնա-Շարջա չվերթի Flight Plan-ի հաստատումով հետքրքրված են նաև Բուլղարիայի անվտանգության աշխատակիցները։
Եթե ահաբեկչություն չկա, ապա սա բիզնես խաբկանք է կազմակերպված ավիացիոն խարդախների թիմի կողմից, որի հնարավորության մասին մենք ահազանգում էինք ՔԱԿ-ին և ՏԿ նախարարության ավիացիայի պատասխանատուներին դեռևս 2019-ի Դեկտեմբերին, փոխարենը իրենք Fly Armenia-ին տվեցին շահագործողի վկայական`անցած տարվա ամռանը…»:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները