Արա Սաղաթելյանը քաղաքական բանտարկյալ է ԵԽԽՎ բոլոր չափանիշներով. իրավաբան Ռոբերտ Հայրապետյան
Արա Սաղաթելյանը քաղաքական բանտարկյալ է ԵԽԽՎ բոլոր չափանիշներով: Այս մասին ֆեյսբուքյան իր էջում գրել է իրավաբան Ռոբերտ Հայրապետյանը:
«Եվրոպայի խորհրդի խորհրդարանական վեհաժողովը (ԵԽԽՎ, որին նաև Հայաստանն է անդամակցում) 2012թ. ընդունված բանաձևով վերահաստատել է 2001թ.-ին իր կողմից ընդունված չափանիշներն այն մասին, թե ովքեր են համարվում քաղաքական բանտարկյալներ: Ըստ այդմ ազատությունից զրկված անձը կարող է համարվել քաղաքական բանտարկյալ, եթե
Անձը ազատազրկվել է Մարդու իրավունքների եվրոպական կոնվենցիայով և կից արձանագրություններով երաշխավորված հիմնարար իրավունքներից/ազատություններից որևէ մեկի խախտմամբ, մասնավորապես խղճի, մտքի, կրոնի, արտահայտման, տեղեկատվության, հավաքների, միավորումների ազատության։
Այս չափանիշի առկայությունը Արա Սաղաթելյանի մասով առավել քան հիմնավոր ապացուցված է, հաշվի առնելով հատկապես վերջին ժամանակներս նրա կողմից իշխանությունների հասցեին հնչեցված օբյեկտիվ քննադատությունների փաստը։
Անձի ազատազրկումը տեղի է ունեցել զուտ քաղաքական պատճառներով՝ առանց որևէ հանցանքի հետ առնչություն ունենալու։
Հաշվի առնելով նախաքննության մարմնի կողմից գործի հիմքում դրված հանգամանքների մեղմ ասած անբավարարությունն ու դրանցով Սաղաթելյանի մասնակցությունն այս կամ այն կեղծ էջի վարմանը ապացուցել չկարողանալու նրանց սակավամտությունը, այս չափանիշի առկայությունը նույնպես ցցուն կերպով առկա է այս գործում։
Քաղաքական դրդապատճառներով ազատազրկման ժամկետը կամ պայմանները հստակորեն անհամաչափ են այն հանցանքին, ինչի համար անձը մեղավոր է ճանաչվել կամ կասկածվում է, քաղաքական դրդապատճառներով անձը այլ անձանց համեմատ խտրական կերպով է ազատազրկվել, կամ ազատազրկումը արդյունք է հստակորեն անարդար դատավարության, ինչը առերևույթ կապված է իշխանությունների քաղաքական դրդապատճառների հետ:
Այս չափանիշի մասով մեկնաբանություն առհասարակ կարելի է չանել, քանի որ քաղաքական դրդապատճառները թերևս միակ հիմնավոր փաստերն են այս քրեական գործի շրջանակներում։
Դեռևս որոշ ժամանակ առաջ իշխանական հայտնի քարոզիչները կեղծ փաստերը քաղաքական նպատակահարմարությունից ելնելով փորձում էին այս կամ այն կերպ կանխակալ բայցերով շաղկապել Սաղաթելյանի հետ, ինչը բումերանգի էֆեկտով նպաստեց նրան, որ այս գործը քաղաքական լինելուց բացի այլ ֆորմատի մեջ տեղավորել չենք կարող։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները