Ադրբեջանը 2016-ի ապրիլյան պատերազմը համարեց անհաջող փորձ. իրենք ուզեցին կանգնեցնել պատերազմը. Վազգեն Մանուկյան

Ադրբեջանը 20 տարուց ավելի պատրաստվում էր պտերազմին. երբ պարտվում ես, դու վախենում ես հակառակորդից, եւ Ադրբեջանի մոտ այդ վախը կար: Այս մասին, այսօր՝ փետրվարի 16-ին, Ազատության հրապարակում լրագրողների հետ զրույցում ասաց «Հայրենիքի փրկության շարժման» վարչապետի թեկնածու Վազգեն Մանուկյանը:

«Ինքը հսկայական սպառազինությունհ գնեց, 2016-ին նա փորձեց առաջ գնալ: Երկու օր իրեն հաջողվեց բավականին առաջ գնալ, բայց հետո դիմադրության եղավ, նաեւ որոշ մասերում սկսեցին հետ նահանջել, դրա համար իրենք ուզեցին կանգնեցնել պատերազմը: Իրենք դա համարեցին անհաջող փորձ: Դրանից հետո ՀՀ-ն բանակցություններում ստացավ առավելություններ: Դրանք Վիեննայի, Սանկտ Պետերբուրգի համաձայնագրերն էին»,-ասաց նա, ով բացարձակ սուտ համարեց Անվտանգության խորհրդի քարտուղար Արմեն Գրիգորյանի հայտարարությունը, թե 2016-ին ապրիլյան պատերազմը կանգնեցվել է, որովհետեւ Սերժ Սարգսյանը ինչ-որ բան է խոստացել Ադրբեջանին: