Մեսիի շնորհիվ «Բարսելոնան» 4 տարում վաստակել է 619 միլիոն եվրո

Արգենտինացի հարձակվող Լիոնել Մեսիի շնորհիվ «Բարսելոնան» 2017 թվականից ապահովել է 619 միլիոն եվրոյի եկամուտ, հաղորդում է Sport.es-ը։

Հովանավորների պայմանագրերը կատալոնական ակումբի հետ Լիոնել Մեսիի գործոնի դեպքում շատ ավելի մեծ եկամուտ են ապահովում, քան առանց նրա։

Նույնը վերաբերում է նաեւ խաղերի տոմսերի եւ ֆուտբոլիստների խաղաշապիկների վաճառքին, կորպորատիվ բաժնետոմսերի գնին։

Ավելի վաղ իսպանական El Mundo պարբերականը հրապարակել էր գաղտնի տվյալներ, որոնց համաձայն՝ Մեսին 2017-ին կնքած չորս տարվա պայմանագրով արդեն ստացել է 511 միլիոն եվրո, իսկ ընդհանուր եկամուտը կկազմի 555 միլիոն եվրո նախքան հարկերի վճարումը։

Մեսիի ներկայացուցիչները հայտարարել են, որ արտահոսքի համար դատի կտան «Բարսելոնայի» ներկայացուցիչներին եւ պարբերականին։