Մտածելու ավանդույթը հռչակվեց հետադիմական. առաջին պլան եկան նոր ավանդույթներ՝ մերժում եմ եւ սատարում եմ

Պրոդյուսեր Ռուբեն Մխիթարյանը նոր գրառում է կատարել՝ նշելով, որ 21-րդ դարում մտածելու ավանդույթը հռչակվեց հետադիմական։

«20-րդ դարում հայերն ունեին մի լավ ավանդույթ: Ավանդույթը կոչվում էր մտածել: Խոսելուց առաջ մտածում էին, դիմացինի խոսքերը լսելով՝ մտածում էին, տուն սարքելուց մտածում էին, որոշում կայացնելուց մտածում էին, ամուսնանալուց եւ բաժանվելուց առաջ մտածում էին, նույնիսկ մկրտվելուց ու մեռնելուց առաջ էին մտածում:

Եկավ 21-րդ դարը: Մտածելու ավանդույթը հռչակվեց հետադիմական: Առաջին պլան եկան նոր ավանդույթներ՝ մերժում եմ եւ սատարում եմ:

Այս անասուն ավանդույթները հնարավոր եղավ իրականացնել՝ հենց մտածելու ավանդույթը բնաջնջելով: Էլ չեմ խոսում, որ մտածելու ավանդույթը ոչնչացնելով՝ վերացան ընկալելու, վերլուծելու եւ հասկանալու ենթաավանդույթները:

Հ.Գ. Ой охлос, охлос

не охлось меня...»,- գրել է նա։