Ակամա հիշեցի Թուրքիայում 1960-ին իշխանություն-ընդդիմություն հարաբերությունները
Թուրքագետ Ռուբեն Մելքոնյանը ֆեյսբուքյան իր էջում գրառում է արել՝ անդրադառնալով ԱԺ պատգամավոր Արփինե Դավոյանի երեկվա հայտարարությանը, թե երկրի լրջագույն խնդիրներից է խորհրդարանական ու արտախորհրդարանական ընդդիմությանը։
Ռուբեն Մելքոնյանի գրառումը ներկայացնում ենք ստորև․
«Հայաստանի Ազգային ժողովի իշխող խմբակցության պատգամավորներից մեկը մեր երկրի լրջագույն խնդիրներից է համարում խորհրդարանական և արտախորհրդարանական ընդդիմությանը: Պատգամավորի այս մտքերը լսելիս՝ անմիջապես հիշեցի Թուրքիայում 1960 թ. իշխանություն-ընդդիմություն հարաբերությունները և փոխադարձ գնահատականները:
Ստորև մեջբերում եմ նաև իմ հեղինակած «Թուրքիայի Հանրապետության պատմություն» բուհական դասագրքից մի հատված, որն ապացուցում է, որ պատմությունը ոչ միայն կրկնվելու, այլև տասնամյակներ հետո այլ երկրների քաղաքական դաշտը վարակելու հատկություն ունի:
«Արդեն 1960 թ. սկզբին Թուրքիայում քաղաքական խոր ճգնաժամ էր, վիճակը պայթյունավտանգ էր: 1960 թ. ապրիլի 18-ին իշխող կուսակցության առաջարկով ստեղծվեց արտակարգ լիազորություններ ունեցող խորհրդարանական հանձնաժողով, որը զբաղվելու էր ընդդիմության գործունեության ուսումնասիրությամբ: Հանձնաժողովը, կիրառելով իր լիազորությունները, մայիսին երեք ամսով արգելեց ընդդիմադիր ուժերին և կուսակցություններին ժողովներ, հանրահավաքներ, համագումարներ անցկացնել, մամուլում տպագրել քաղաքական բնույթի հայտարարություններ: Խորհրդարանի ընդդիմադիր խմբակցությունը պահանջեց հետաքննություն սկսել իշխող կուսակցության առաջնորդների և կառավարության անդամների անօրինական գործունեության վերաբերյալ, որին ի պատասխան՝ իշխող խմբակցության պատգամավորները հանդես եկան առաջարկով՝ կախաղան բարձրացնել ընդդիմության առաջնորդ Իսմեթ Ինյոնուին»...:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները