Կլոպ. «Սաութհեմփթոնն» արժանի էր հաղթանակի

«Լիվերպուլի» գլխավոր մարզիչ Յուրգեն Կլոպը մեկնաբանել է Անգլիայի առաջնության 17-րդ տուրում «Սաութհեմփթոնից» կրած պարտությունը նվազագույն հաշվով:

«Ակնհայտ է, որ հիասթափված եմ խաղի մեկնարկով: Խոսքը ոչ միայն բաց թողած արագ գոլի, այլև ամբողջ մեկնարկի մասին է: Մենք անհաջող էինք որոշումներ կայացնում: Այդպես լինում է, երբ չի ստացվում խաղալ արագ: Պետք է ունենանք ավելի շատ գոլային պահեր: Թիմում հավաքվել են հրաշալի ֆուտբոլիստներ, սակայն նրանք պատրաստ չէին խաղալ առաջին րոպեներից:

Հիմա պետք է ցուցադրենք մեր արձագանքն այս արդյունքին: Շնորհավորում եմ «Սաութհեմփթոնին», նրանք արժանի էին հաղթանակի»,- գերմանացի մասնագետի խոսքը մեջբերում է BBC-ն:

Հիշեցնենք, որ «Լիվերպուլը» 33 միավորով առաջին տեղում է, նույնքան միավոր ունի մեկ հանդիպում քիչ անցկացրած եւ երկրորդ տեղում գտնվող «Մանչեսթեր Յունայթեդը»։ «Սաութհեմփթոնը» 29 միավորով 6-րդն է։