Հայրենիքի փրկության շարժման առաջին լուրջ հաղթանակն արձանագրվեց. Արսեն Բաբայան
Հայրենիքի փրկության շարժման առաջին լուրջ հաղթանակն արձանագրվեց: Այս մասին Facebook-ի իր էջում գրել է «Հայրենիք» կուսակցության անդամ Արսեն Բաբայանը:
Նա, մասնավորապես, նշել է. «Վարչապետի աթոռն ուզուրպացրած, հազարավոր երիտասարդների մահվան ու տասնյակ հազարավոր մարդկանց ճակատագրերի խեղման պատճառ դարձած դավաճանը հասկացավ, որ իր հեռանալն այլեւս չունի որեւէ այլընտրանք։
Սակայն, ինչպես հատուկ է ցանկացած ստորաբարո արարածի, որոշել է չնահանջել վնասատվությամբ եւ կործանել մեր Հայրենիքը որքան որ ուժը կհերիքի։
Այսպես, մեր Հայրենիքի փրկված մնացորդներն էլ ամբողջությամբ ոչնչացնելու նպատակով՝ ամենամեծ վնասը, որը հնարավոր է հասցնել, Հայաստանն արագ արտահերթ ընտրություններով ամբողջովին փլուզելն է։
Դավաճանի ծրագիրը շատ պարզ է. կոտրված ողնաշարով պետության ուսերին հնարավորինս արագ բարդել համապետական ծանր իրարանցում, որն այս դեպքում ընտրություններն են, որպեսզի ամբողջությամբ ոչնչացնի առանց այն էլ մսխված բյուջեն եւ այդպիսով առաջացնի տնտեսական ու սոցիալական նոր ցնցումներ։ Իսկ այդ ամենը նշանակում է լիակատար շեղում պետության հիմնական գործառույթներից։
Դավաճան Նիկոլի ցինիզմն այն աստիճանի է հասել, որ փորձում է պնդել, թե ընդդիմության շարժումը չի ստացել հանրային աջակցություն։ Այս մարդը սովորական խելագար չէ, այլ հակապետականության եւ հայրենադավության մոլագար։ Այս կործանարարը տառապում է նաեւ քաղաքական դալտոնիզմով, եւ դա է պատճառը, որ նա տեսնում է միայն սեւն ու սպիտակը։
Հայաստանի Հանրապետության ողջ պատմության մեջ որեւէ իշխանություն հեռացնելու շարժումը դեռ երբեւէ չի ստացել այնքան մեծ աջակցություն, որ պետության փաստացի ղեկավարի հեռացման պահանջ ներկայացնեն երկու կաթողիկոսները, Հանրապետության գործող նախագահը, ԱԺ բոլոր ընդդիմադիր խմբակցությունները, բոլոր ամենամեծ կուսակցությունները, բոլոր նախկին նախագահները, տասնյակ գեներալներ, գրեթե բոլոր բուհերի գիտական խորհուրդները, հարյուրավոր մտավորականներ, մշակութային ամենաճանաչված ու սիրված գործիչները, սփյուռքի հանրահայտ գործարարներ ու հազարավոր կազմակերպություններ, առաջնային մանդատ ունեցող տեղական ինքնակառավարման հարյուրավոր մարմիններ, համայնքապետներ։ Հետո քաղաքական դալտոնիկը փորձում է համոզել, թե չկա իր հեռանալու հասարակական պահա՞նջ։
Իսկ ո՞ւմ համար է գաղտնիք, թե ինչու է երազում, որ ինքն անձամբ անցկացնի արտահերթ ընտրությունները։ Բոլորը գիտեն, որ այս քաղաքական դալտոնիկը հրաշալի գիտի փողոցային պայքարի արդյունավետությունը։ Ինքը լավագույնն է հասկանում մեր փողոցային պայքարի լուրջ հաջողությունները եւ արդեն տեսնում է դրա արդյունքները։ Միաժամանակ հրաշալի հասկանում է, որ ենթարկվելու է քրեական պատասխանատվության, որը սպառնում է նրան մինչեւ ցմահ ազատազրկմամբ։
Հետեւաբար, իր կարծիքով, ինքը չունի այլ տարբերակ, չունի այլ շանս, քան անձամբ անցկացնել ընտրությունները, որպեսզի հնարավորություն ունենա վերարտադրվել՝ կեղծելու ճանապարհով։
Հետեւաբար՝ Հայրենիքի փրկությունը չունի այլընտրանք, քան դավաճան Նիկոլին րոպե առաջ հեռացնելը:
Հայաստանը մասնակցել է ՄԱԿ-ի ESCAP-ի Շրջակա միջավայրի և զարգացման կոմիտեի 9-րդ նստաշրջանին
Կասեցվել է Վանաձորի գազալցակայաններից մեկի հեղուկ գազի վաճառքը
Արեգնազ Մանուկյանը ձերբակալվել է՝ դատարան ներկայացնելու համար. ՔԿ
Շատ եմ ցանկանում, որ չեմպիոն դառնա ֆուտբոլ խաղացող հավաքականը
Վ.Բրյուսովի անվան պետական համալսարանի ամբիոնի վարիչը մեղադրվում է հովանավորչության համար կաշառք ստան...
Դոնալդ Թրամփը հատուկ դեր է խաղացել Ադրբեջանի և Հայաստանի միջև խաղաղության օրակարգն առաջ մղելու գործո...
Ռուսաստանում կոնյակի արտադրությունը հունիսին էական նվազել է
Կարծում եմ, որ այս հակամարտությունը կարող է լուծվել. Թրամփ
ԲՏԱ փոխնախարարը մասնակցել է Salesforce-ի կազմակերպած Enter the Next Phase of Agentic Experience ֆորո...
Հուսով ենք՝ Հայաստանը կունենա իր նավթազտարանը, որտեղ Իրանի հում նավթից կստանան անհրաժեշտ նավթամթերք