Այսօր՝ 15 հուլիսի 2024թ., 00:00
ԱՄՆ-ում ծովի մակարդակի բարձրացման պատճառով եզակի բույս ​​է անհետացել Անգլիայում հնագետները հին հռոմեական ազնվականների վիլլաների ավերակներ են հայտնաբերել Գիտնականները մեզը խմելու ջրի վերածող սկաֆանդրի նախատիպ են ստեղծել Իռլանդիայի թանգարանը ավելի քան 4 հազար տարվա հնության կացինների գլուխներ է ստացել Volkswagen-ը կարող է փակել Audi էլեկտրական մեքենաների գործարանը Բելգիայում Պակիստանի դատարանը կալանավորել է նախկին վարչապետին և նրա կնոջը Ինչ վիճակ է Լարսում, քանի օր է պետք անցակետը հատելու համար. կցորդը մանրամասներ է հայտնում Արգենտինան ռեկորդային՝ 16-րդ անգամ նվաճեց ֆուտբոլի Ամերիկայի գավաթը Էստոնիայի վարչապետը և երկրի կառավարությունը հրաժարական են տվել Արագածոտնի մարզում քաղաքացին դիմել է ոստիկանություն և հայտնել, որ Թալինի քաղաքապետի տեղակալն իրեն ծեծի է ենթարկել և վնասել իր «Opel»-ը Արցախցիները հանդիպել են ՄԱԿ-ի մշտական համակարգող Ֆրանսուազ Ժակոբի հետ և ներկայացրել իրենց պահանջները Երկրաշարժ՝ Քաջարան քաղաքից 14 կմ հյուսիս ՀՀ տարածքում բոլոր ճանապարհներն անցանելի են 36-ամյա տղամարդու սպանության փորձի մեղադրանքով հետախուզվող անձինք հայտնաբերվել են․ Նոր մանրամասներ Միջազգային հանրությունը դատապարտել է Թրամփի դեմ մահափորձը Բյուջեի ճեղքը խորանում է ՀԴԲ. Թրամփի նկատմամբ սպանության փորձ կատարողը գործել է միայնակ Քաղաքականությունը երբեք չպետք է դառնա ռազմի դաշտ․ Ջո Բայդեն Թրամփը մահափորձից հետո առաջին հարցազրույցն է տվել՝ ասելով՝ ինչն է փրկել իր կյանքը ԱՄՆ-ն կարևորում է Հայաստանի հետ համագործակցությունը Ավարտվել է 50 տոկոս նվազ կիրառման բոնուսային բաղադրիչի եռամսյա ժամկետը Բայդենը մահափորձից հետո հեռախոսազրույց է ունեցել Թրամփի հետ Հայ Առաքելական եկեղեցին այսօր նշում է Ս.Կիպրիանոս եպիսկոպոսի, Հուստիանե, Եվփիմե, Քրիստինե կույսերի և 45 վկաների հիշատակի օրը Տարադրամի փոխարժեքները հուլիսի 15-ին Նա արդեն հաղթել է. Մեդվեդևը՝ Թրամփի մասին Առանց երկար եղունգների ու զարդերի. նոր պահանջ բուժաշխատողների համար Հրդեհ Կարբիի տներից մեկում. երեք տուժածներից մեկի վիճակը ծայրահեղ ծանր է Թրամփի դեմ մահափորձը դիտարկվում է որպես պոտենցիալ ներքին ահաբեկչական գործողություն. Հետաքննությունների դաշնային բյուրո Լավ աշակերտ էր, անգամ ճանճին չէր վնասի. ինչ են պատմել ընկերները Թրամփի վրա կրակողի մասին Բայդենն ու Թրամփը հարձակումից հետո ազգային միասնության կոչ են անում Ինչո՞ւ վախեցան Կարեն Անդրեասյանն ու ԲԴԽ-ն, ինչո՞ւ Աննա Դանիբեկյանին թույլ չտվեցին մասնակցել իր վերաբերյալ վարույթի վերջին նիստին, ի՞նչ ունի դատավորն իր ձեռքի տակ Մերձմոսկովյան շրջանում երեք ադրբեջանցի ամրաններով ծեծելով սպանել են ընտանիքի հորը Ի վերջո, որևէ արադրացում չկա պատերազմի համար. Իրանի դեսպան ԻՀՊԿ Telegram ալիք․ Իրանի և Ադրբեջանի սահմանին կասկածելի թռչող օբյեկտ է նկատվել Շրջակա միջավայրի նախկին փոխնախարարը դատի է տվել Նիկոլ Փաշինյանին Մոսկվա-Երևան չվերթի ուղևորներին անսարքության պատճառով երկու ժամ պահել են ինքնաթիռում Իսպանիան Եվրոպայի քառակի չեմպիոն Ովքե՞ր են ուզում Թրամփի մահը Ո՞վ է կրակել Թրամփի վրա Թրամփի վրա կրակել են. նա վիրավորվել է Նոր գործիքը թույլ կտա լուսանկարներն ու տեսանյութերը Google Photos-ից փոխանցել անմիջապես iCloud Photos Որպես անհայտ որոնվող 18-ամյա աղջկա մարմինը հայտնաբերվել է ջրատարի բետոնե ավազանում 33-ամյա ռուս կինը Երևանի հյուրանոցում խուլիգանություն է արել Բայդենը Զելենսկուն շփոթել է Պուտինի հետ Նման տեմպերով խորացնելով համագործակցությունը ՆԱՏՕ-ի հետ՝ Երևանը կարող է լրջորեն ապակայունացնել իրավիճակը Կովկասում՝ ի վնաս սեփական անվտանգության. ՌԴ ԱԳ փոխնախարար ԱԺ-ն միաձայն ընդունել է Արցախի ԱԱԾ-ի նախկին ծառայողների վերաբերյալ օրինագիծը Ucom ընկերությունը տեղեկացնում է Ադրբեջանում մեկնարկել է օկուպացված Արցախի բնակիչ Ռաշիդ Բեգլարյանի գործով դատական նիստը Ֆրանսիան աջակցում է հայ-ադրբեջանական երկխոսությանը` հնարավորինս արագ խաղաղության պայմանագրի կնքման նպատակով. Մակրոնը՝ Էրդողանին ՔՊ-ականների հերթական մանիպուլյացիան Պետրոսյան. Հայաստանը պետք է պարբերաբար բարձրացնի Բաքվում ապօրինաբար պահվող հայերի հարցը Փաշինյանը Արագածոտն է գնում ասֆալտապատված ճանապարհների բացմանը մասնակցելու ԱԺ աշխատակազմի ղեկավարը անձամբ հետևել է, թե ինչպես են լրագրողներին բռնությամբ դուրս հանում Այսօր Հայաստանի վրա Ադրբեջանը չի հարձակվում, որովհետեւ դեռ Ռուսաստանը համաձայնություն չի տվել. Բագրատյան Ի՞նչ է կատարվում իշխանական կուլիսներում ՏԿԵՆ-ը և Ալեն Սիմոնյանի եղբոր ընկերությունը 4 մլրդ 674 մլն դրամի պայմանագիր են կնքել «Իմ քայլը» հիմնադրամի անավարտ բարեգործությունը Հորդորում ենք Բլինքենին՝ հայ բանտարկյալների ազատ արձակման հարցն առաջնահերթություն դարձնել. Free Armenian Prisoners Ճապոնիայում աղջիկը բաց օվկիանոսում անցկացրել է 36 ժամ Բրիտանիայի վարչապետ. Ուկրաինան կարող է ՌԴ-ին խփել մեր հրթիռներով Արգենտինայի նախագահը կանգնեցրել է շքերթը՝ տանկի վրա բարձրանալու համար (տեսանյութ) Նորվեգիայում առեղծվածային քարե շրջանակների տակ հնագետները տասնյակ հնագույն մանկական գերեզմաններ են հայտնաբերել Աշխարհի ամենաչոր անապատը ծաղկել է սպիտակ և մանուշակագույն ծաղիկներով Ուրուգվայի հավաքականի ֆուտբոլիստները բախվել են կոլումբացի երկրպագուների հետ (տեսանյութ) Գիտնականները պտղատու ծառերի գենային մուտացիա են հայտնաբերել, որը թույլ է տալիս խուսափել ցրտահարության հետևանքներից «Հայոց պատմություն» առարկան դպրոցներում այսուհետ կդասավանդվի «Հայաստանի պատմություն» անվամբ Մենք պետք է ձևավորենք ունակների համայնք, բայց առանց անձնական հավակնությունների. Բագրատ Սրբազան Կառավարման տոտալ ճգնաժամի թելերը Օդի ջերմաստիճանն էապես չի փոխվի. հնարավոր է կարճատև անձրև և ամպրոպ ՆԱՏՕ-ն վճռականորեն աջակցում է հայ-ադրբեջանական կարգավորմանը և խաղաղության պայմանագրի կնքմանը. Կոլոմինա Ակադեմիական «փուչիկ»՝ քարոզչական մաստակներով սնվողների համար Ադրբեջանն ավելացրել է գազի արտահանումը Եվրոպա Մի խումբ անձինք ապօրինի մուտք են գործել զորամասի տարածք և բռնություն գործադրել զինծառայողների նկատմամբ Քաղաքացիություն չունեցող անձանց կարգավիճակը որոշելու ընթացակարգ կսահմանվի Ավելի քան 1 մլրդ դրամ տրամադրվեց, որ ՔՊ-ականներն ավելի լավ մեքենաներով երթևեկեն Մալուխները ստորգետնյա կապուղիներով անցկացնելու աշխատանքների պատճառով կարող են նկատվել կապի ընդհատումներ․ Ucom Սրբազան շարժումն ակտիվ ներքին վերադասավորումների է անցել Արցախում հուղարկավորվածների հարազատները պահանջում են արտաշիրիմում անել և մարմինները տեղափոխել ՀՀ Հովիկ Աբրահամյանի որդուն` Արգամ Աբրահամյանին, մեղադրանք է ներկայացվել «Քաղաքացիական պայմանագիր» խմբակցությունն այսօր կհանդիպի ԿԿՀ անդամի թեկնածուների հետ
Հարցում

«Ամեն մեկի մեջ փնտրում, բայց չեմ գտնում Յուրայիս». կամավոր Յուրիկ Սարգսյանն անմահացել է նոյեմբերի 6-ին Շուշիում

 

«Փաստ» օրաթերթը գրում է.

«Յուրիկի մանկության տարիներն անցել են շատ անհոգ: Առույգ երեխա էր, աշխույժ, բայց ինչ-որ տեղ նաև համեստություն, ամոթխածություն ուներ: Իրեն ասում էի՝ Յուրա՛ ջան, ոնց որ դու աղջիկը լինես, Անին ու Արուսիկը՝ տղաները»,-«Փաստի» հետ զրույցում որդու մանկության տարիներն է վերհիշում տիկին Կարինեն՝ Յուրիկի մայրիկը:

Տեղափոխվելով նրա դպրոցական տարիներ՝ ասում է՝ շատ ոգևորված է գնացել առաջին դասարան: «Սկսեց տառերը սովորել, շատ հետաքրքիր պատմություններ հուշ մնացին այդ օրերից: Շատ լավ եմ հիշում. դասագրքում տառ առ տառ կարդում էր կացին բառը, վերջում իրեն ասում էի՝ դե, Յուրի՛կ ջան, հիմա բառն ամբողջական ասա, արձագանքում էր՝ մա՛մ, տապոռ: Դպրոցում արտասանում էր Համո Սահյանի «Հայաստան ասելիս» բանաստեղծությունը: Երբ բառերը մոռանում էր, ասում էր՝ Հայաստան ասելիս ոտքերս թուլանում են: Իրեն ոնց հարմար էր, այնպես էր ասում: Հետո, իհարկե, տարիքի հետ սկսեց սովորել: Դպրոցում առաջադիմությամբ չէր փայլում, ոչ թե չէր կարողանում սովորել կամ չէր սիրում, այլ ծույլ էր, պարզապես չէր ուզում աշխատել: Ուսուցիչներին շատ էր սիրում, կգար տուն՝ պապա՛, պետք է դասասենյակը վերանորոգենք: Դպրոցում էլ, երբ նման խոսակցություն էր լինում, ասում էր՝ պապայիս կասեմ, տանը ունենք, կբերեմ, կվերանորոգենք: Աչքի էր ընկնում, վայելում էր իր ուսուցիչների սերն ու հարգանքը, մինչև հիմա էլ շատ մեծ ափսոսանքով ու սիրով են խոսում իր մասին: Իր առաջադիմությամբ չէր փայլում, բայց նաև չէր անտեսում դպրոցը, շրջապատը և ուսուցչական կոլեկտիվը»: Դպրոցն ավարտելուց մեկ տարի հետո Յուրիկը զորակոչվել է Հայկական բանակ: Ծառայել է Քարվաճառում:

«Ծառայության տարիները շատ լավ են անցել, ունի շնորհակալագրեր, օրինակելի զինվոր է եղել: Մեզ որևէ հարցում նեղություն տալ չի ցանկացել, եթե մենք ենք ցանկացել ինչ-որ բան իրեն ուղարկել, ընդդիմացել է՝ ես ամեն ինչ ունեմ: Շատ գոհ էր բանակային կյանքից, վստահաբար, նաև դժվարություններ է ունեցել, բայց երբեք չի դժգոհել»: Զորացրվելուց հետո նա սկսել է աշխատել նախ՝ շինարարությունում, իսկ հետո՝ արհեստ սովորել, բնակարաններ էր վերանորոգում: «Աշխատանք ուներ, հոգում էր իր ընտանիքի մասին: Հետո արդեն նաև իր ընտանիքը կազմեց, երկու դուստր ունի: Շատ լավ հայր, ամուսին ու որդի էր: Յուրիկին ճանաչող յուրաքանչյուր մարդ իր մասին խոսելիս այս հատկանիշները կմատնանշի: Բայց երևի այս ամենից առավել իր մեջ գերակշռում էր սերը հայրենիքի հանդեպ: Եթե կանաչ խոտի վրայով երեխան անցներ, ասում էր՝ Սիլվի՛, Արմինե՛, խոտ է, ինչո՞ւ եք տրորում: Հայրենասեր էր, անգամ չափից շատ, երևի դա իմ «սխալ» դաստիարակությունից է, ես եմ իրեն այդպես դաստիարակել դեռ մանկությունից:

Երբեմն անգամ ինձ մեղադրում եմ դրա համար, բայց բան փոխել չեմ կարող»: Սեպտեմբերի 27-ին սկսվեց պատերազմը: «Մեզ թվում էր, թե մի քանի օր կտևի, Ապրիլ յան պատերազմի նման, ոչ ոք չէր պատկերացնում, թե պատերազմն այսքան երկար է տևելու: Պատերազմի օրերն էին, ինձ աշխատանքի էր տանում, կանգնեց զինկոմիսարիատի բակում` մա՛մ, սպասի, հիմա գալիս եմ: Համարյա մի ժամ սպասեցի, զանգահարեցի իրեն՝ Յուրի՛կ, ուշանում եմ, արի ինձ աշխատանքի հասցրու: Ուրախ-ուրախ եկավ. «Կամավորագրվեցի, սպասում եմ, որ իմ հերթը գա, գնամ: Մենք ծառայած ենք, ամեն ինչ գիտենք, գնանք, որ երեխեքին մի բանով օգտակար լինենք»»: Հոկտեմբերի 22-ին Յուրիկը մեկնում է Արցախ: «Իրեն այդ ժամանակ տարան: Անընդհատ զանգահարում էր զինկոմիսարիատ, թե երբ է գնալու: Շատ ոգևորված գնաց: Իր վեց տարեկան աղջիկն ասաց՝ պա՛պ, մի գնա: «Սիլվի՛ ջան, որ ես չգնամ, ձեզ ո՞վ կպաշտպանի: Պապան պետք է գնա, կռվի, հաղթանակ բերի, որ դուք անհոգ մեծանաք»:

Էլ ի՞նչ իմանար, որ երեխաները ողջ կյանքում պետք է հոգսով մեծանան»: Յուրիկը զոհվել է նոյեմբերի 6-ին Շուշիում դիպուկահարի կրակոցից: «Ամենասկզբում իրենց տարել են Մարտունու Գիշի գյուղ, հետո տեղափոխել են Մոնթեաբերդ: Երբ զանգում էր, բնականաբար, տեղը հստակ չէր ասում, սկսում էր բացատրել, պատմել՝ մա՛մ, Մոնթե Մելքոնյանն առաջին համագումար նիստն այստեղ է անցկացրել, իր անունով գյուղ կա: Հետո անտառներում են եղել, երբ ֆոսֆորը սկսել են երկնքից թափել տղաների վրա, իրենք անտառներից դուրս են եկել: Իրենց խմբից միայն Յուրիկն է միացել երկրապահներին ու գնացել Շուշի: Տեսանյութերն ունենք»: Յուրիկը շուտ է տուն «վերադարձել»՝ հայրիկի ծննդյան օրը: «Զանգահարել էր քույրիկին՝ պապայի տորթը չկտրեք, անակնկալ գալու եմ: Նստեցինք ամբողջ գիշեր, ժամը 12-ն էլ անցավ, եռագույնի պատկերով տորթ էր, որին այդպես էլ մոտ չգնացի: Առավոտյան լուսադեմին պառկածս տեղից ճիչեր լսեցի: Արթնացա, աղջկաս ասացի՝ ոնց որ դիմացի շենքից երեխա կա զոհված, մաման գոռում էր: Ի՞նչ իմանայի, որ ամբողջ գիշեր հարևանները, բարեկամները մեր բակում հավաքված են եղել, գիտեին, որ դեպքը եղել է, իսկ մենք առավոտյան իմացանք»: Մայրիկն ասում է՝ երբ վերջին շրջանում տաքսի էր վարում, ծնողներին անվճար էին տանում Արցախ ու հետ բերում:

«Եթե Արցախը պետք է լիներ ուղղությունը, Յուրիկս պիտի լիներ վարորդը: Անգամ կատակում էր՝ ես իրենց գիդն եմ: Արցախի համար ուշքը գնում էր: Որ ասում են՝ հանուն Արցախի կյանքը կտար, նա հենց այդպես էլ վարվեց, հանուն Արցախի ամենաթանկը՝ կյանքը տվեց»: Տիկին Կարինեն հավելում է՝ հիմա կարևոր է տղաներին ապրեցնելը: «Երևանի 52 հիմնական դպրոցում տղաների փառքի անկյուն բացվեց: 44-օրյա պատերազմի ժամանակ Շենգավիթ համայնքը 16 զոհ է ունեցել: Զոհեր ենք ունեցել նաև նախորդ պատերազմների ժամանակ: Բակում հուշաքար ունենք տղաների նկարներով, դպրոցում դասասենյակներ անվանակոչվեցին նրանց անունով: Իրենց հիշատակը վառ պահելով, իրենց գործը շարունակելով՝ ապրում ենք: Ամեն մեկի մեջ փնտրում, բայց չեմ գտնում Յուրայիս: Մեր շենքի ճակատային մասում նրա խոսքերն են, որոնք միշտ կրկնում էր՝ ապրի՛ր հայրենիք, և ես կապրեմ քո մեջ: Միշտ ասում էր՝ որ հողը կանգուն լինի ոտքերիդ տակ, ուրեմն իմացիր, որ ապրում ես: Նույն ոգով իր երեխաներին էր դաստիարակում: Երբ իրեն ճանապարհելու օրն ասացի՝ Յո՛ւր, կլինի՞ չգնաս: «Մա՛մ, մյուս անգամ իմ մոտ հայրենասիրությունից չխոսես»: Միշտ ժպտում էր: Երբ տղաները եկել էին մարտի դաշտից, ասում էին՝ իր անունը դրել էինք Ժպիտ»:Իսկ հիմա ապրելու ուժ տալիս են Յուրայի երեխաները:

«Փոքրը հատկապես բնավորությամբ շատ նման է հայրիկին: Իր երեխաների մեջ եմ փնտրում իր դիմագծերը, անգամ մանկության հոտը զգում եմ երեխաներից: Նրանք են ինձ ուժ տալիս, որ կարողանամ ոտքի վրա կանգնել: Առաջնեկս էր, մարտ ամսվա ծնունդ էր, գարունն ուրախությունը լցրեց տունս, իսկ աշունը տերևաթափ արեց, կանաչ-կանաչ տարավ: Ո՞վ է տեսել տերևները կանաչ-կանաչ թափվեն ծառից: Երբ մենակ եմ, իր հետ զրուցում եմ, կարծես զգամ իր ներկայությունը, հարցեր եմ տալիս և ստանում եմ դրանց պատասխանները: Համարում եմ, որ նա տանն է, ինձ հետ»:

Հ. Գ. - Յուրիկ Սարգսյանը ՀՀ նախագահի հրամանագրով հետմահու պարգևատրվել է «Մարտական ծառայության» մեդալով: Մեդալներով, պատվոգրերով ու շնորհակալագրերով պարգևատրվել է նաև ՀԿ-ների կողմից: Հուղարկավորված է Եռաբլուրում:

Հետևեք մեզ Telegram-ում
website by Sargssyan