Բրիտանիայի վարչապետ. Ուկրաինան կարող է ՌԴ-ին խփել մեր հրթիռներով
![](/timthumb.php?src=/disc/11-07-24/a4637ebc0af6d0be6c73165835c17657.jpg&w=708)
Մեծ Բրիտանիայի նոր վարչապետ Քիր Սթարմերը հասկացրել է, որ Ուկրաինան իրավունք ունի օգտագործել Լոնդոնի մատակարարած հեռահար հրթիռները Ռուսաստանի ռազմական թիրախներին խփելու համար։ Բրիտանական ռազմական օգնությունը Կիեւ մատակարարվում է պաշտպանական նպատակների համար, բայց «Ուկրաինան ինքը կարող է որոշել, թե ինչպես այդ օգնությունը կարող է օգտագործվել այդ պաշտպանական նպատակների համար»,- լրագրողներին Վաշինգտոն, ՆԱՏՕ գագաթաժողովին մեկնելիս ասել է նա։
Դրանով իսկ Սթարմերը հաստատել է, որ Ուկրաինա մատակարարվող հեռահար հրթիռների հարցում նրա լեյբորիստական կառավարությունը զբաղեցնում է նույն դիրքորոշումը, ինչ եւ Ռիշի Սունակի, Լիզ Թրասի եւ Բորիս Ջոնսոնի նախկին պահպանողական կառավարությունները։
Քիր Սթարմերը գլխավորել է Մեծ Բրիտանիայի նոր կառավարությունը հուլիսի 5-ին, մինչ այժմ կառավարող պահպանողականների ջախջախիչ պարտությունից հետո խորհրդարանական ընտրություններում։