Իսպանիայի ֆուտբոլի ֆեդերացիայի ղեկավարի մայրը հացադուլ է սկսել՝ հաջակցություն որդու

Իսպանիայի ֆուտբոլի թագավորական ֆեդերացիայի (RFEF) ղեկավար Լուիս Ռուբիալեսի մայրը՝ Անջելես Բեժարը, որդու քննադատության պատճառով հացադուլ է հայտարարել։ Այս մասին հայտնում է COPE-ը։

Օգոստոսի 28-ի առավոտյան կինը փակվել է Մոտրիլ քաղաքի եկեղեցում։ Նա հայտարարել է, որ հացադուլի մեջ է լինելու այնքան ժամանակ, քանի դեռ իր որդու նկատմամբ «արյունոտ ու անմարդկային որսը» չի դադարել և այդ խնդրին լուծում գտնվել։ Բեհարը հորդորել է ֆուտբոլիստ Հենիվեր Հերմոսոյին, որին ֆունկցիոները համբուրել է աշխարհի առաջնության խաղից հետո, «ասել ճշմարտությունը»։ Նրա կարծիքով՝ այս դեպքում սեռական բռնություն չի եղել, քանի որ մրցաշարի լուսանկարը ցույց է տալիս, որ կա «երկկողմանի համաձայնություն»։

Օգոստոսի 26-ին Ֆուտբոլի միջազգային ֆեդերացիայի (ՖԻՖԱ) կարգապահական կոմիտեն որակազրկել է Ռուբիալեսին՝ 2023 թվականի կանանց աշխարհի առաջնությունում տեղի ունեցած միջադեպի համար։ Կասեցումը նախատեսված է 90 օրով։ Այն ուժի մեջ է մտնում օգոստոսի 26-ից և կտևի մինչև RFEF-ի նախկին ղեկավարի նկատմամբ հարուցված կարգապահական վարույթի սկիզբը։

Պարգևատրման արարողության ժամանակ Ռուբիալեսը համբուրել է Իսպանիայի հավաքականի ավագ Հերմոսոյի շուրթերը։ Սա արժանացել է ԶԼՄ-ների և իսպանացի քաղաքական գործիչների քննադատությանը: Սկանդալից հետո Ռուբիալեսը ներողություն է խնդրել և հայտարարել, որ դա արել է առանց չարամիտ մտադրության։