Փորձելու ենք անցնել Տեղի անցակետը և շարժվել դեպի Բերձորի միջանցք. Զոհվածների հարազատները «Եռաբլուրից» երթ են սկսում
44-օրյա պատերազմում զոհված զինծառայողների ծնողներն այսօր` մարտի 31-ին, հավաքվել են «Եռաբլուր» զինվորական պանթեոնից եւ մտադիր են երթ իրականացնել դեպի Սյունիք: Նրանք նշել են, որ ուզում են տեղում պարզել, թե ինչպես է Հայաստանի Հանրապետության ինքնիշխան տարածք ներխուժել ադրբեջանական զինուժը եւ ինչո՞ւ է Բերձորի միջանցքը մինչեւ հիմա փակ:
«Եռաբլուրում» են նաեւ ՀՀ «Հայաստան» խմբակցության պատգամավոր Անդրանիկ Թեւանյանը, Երեւանի նախկին քաղաքապետ, ԵԿՄ նախկին փոխնախագահ Ալբերտ Բազեյանը, նախկին ՄԻՊ Լարիսա Ալավերդյանը, ՀԴԿ նախագահ Արագ Գ. Սարգսյանը:
Զոհված զինծառայողների ծնողների խոսքով, իրենք փորձելու են հասնել մինչեւ Բերձորի միջանցք, եթե իհարկե, իրենց դա թույլ տան:
44-օրյա պատերազմում զոհված Հայկ Մելիքյանի մայրը՝ Նաիրա Մելիքյանը լրագրողների հետ զրույցում նշեց. «Կա Հաագայի դատարանի որոշումը, իսկ Ալիեւը հայտարարում է, որ ճանապարհը բաց է, մենք գնում ենք հասկանալու, թե որքանով է բաց ճանապարհը: Երկրորդ, ուզում ենք հասկանալ, թե մեր սահմաններին ինչ իրավիճակ է, քանի որ մենք տեսանք, որ երբ երեկ հակառակորդի առաջխաղացում էր եղել, առաջին աստիճանի տագնապ էր հայտարարվել, անգամ այդ դեպքում բավարար պարզաբանում չեղավ ՊՆ-ի ու կառավարության կողմից»:
Նա հավելեց, որ պետք է փորձեն անցնել Տեղ գյուղում դրված անցակետը. «Տարօրինակ ձեւով, այդտեղի անցակետը ոչ թուրքական է, ոչ ռուսական, այլ հայկական է: Ինչի՞ պետք է չթողնենք, որ մենք անցնենք: Խաղաղ գնում ենք, թող գան մեր անվտանգությունն ապահովեն: Այսօր սկսում ենք երթը, եթե այսօր չհասցնենք, վաղը կփորձենք արդեն հասնել Բերձորի միջանցք»:
Երևանում խուլիգանական վարք դրսևորելու կասկածանքով ձերբակալվել է լեհական ակումբի 17 երկրպագու
Դաշտ են դուրս գալիս ձեւիստները
Ում դրոշը պետք է երեւա սահմանի այն կողմում
Հայաստանի քաղաքացիները հայտնվել են ռուսական անձնագիր ստացողների թոփ-5-ում
Քաղաքապետարանի ավտոբուսների մասնակցությամբ ամեն 2-րդ վթարի մեղավորը ավտոբուսի վարորդներն են
Բեմ են դուրս գալիս «սոցիոլոգները»
Երևան-Մոսկվա չվերթի ինքնաթիռում ոչ ադեկվատ վիճակում գտնվող ուղևորը ձերբակալվել է
61 միլիոն եվրո․ Մբապեն դատարանում հաղթել է ՊՍԺ–ին
200.000 դոլար՝ միջնորդության և 23.000 դոլար՝ կառուցապատման թույլտվության համար. Աղազարյանի գործը դատ...
ՍԱՏՄ-ն անհայտ ծագման միս է առգրավել ու ուղարկել ոչնչացման (տեսանյութ)