Երբ պարտությունը դարձնում են սովորական
Երեկ, ֆուտբոլի Ազգերի լիգայի խաղարկության B լիգայում Հայաստանի հավաքականը Երեւանում ընդունեց Ուկրաինայի հավաքականին եւ պարտվեց 5:0 հաշվով:
Խաղի ընթացքին չենք անդրադառնա: Իհարկե, պարտվում են բոլորը, բայց պարտությունը օրինաչափություն եզակի երկրներն են դարձնում: Տպավորություն է, որ ինչ-որ մի ուժ տարբեր ուղղություններով հայ ժողովրդի համար պարտությունը դարձնում է սովորական:
Ոչինչ, նորմալ է, որ նույն Ուկրաինայից պարտվում ենք 3:0, հետո Նորվեգիայից 9:0, հետո Շոտլանդիայից 4:1, հետո Ուկրաինայից 5:0: Ասում են, ու անցնում առաջ:
Ու սա դառնում է սովորական, իսկ երբ ազգը, ժողովուրդը պարտությանը, այն էլ խայտառակ պարտություններին վերաբերում է սովորական երեւույթի նման, սկսում է օրգանիզմի, այս դեպքում պետության ու ժողովրդի քայքայումն ու փլուզումը:
Կապառոսը ծաղրում է մեր երկրին ու ժողովրդին: Գուցե: Իսկ ի՞նչ է անում ֆուտբոլի ղեկավարությունը, ֆուտբոլի ֆեդերացիան: Այս դեպքում կատարվածի ամբողջ պատասխանատվությունն ընկնում է հենց նրա վրա:
Ո՞ւմ են հրավիրում հավաքական: Ֆուտբոլիստների, որոնց մեծագույն մասին անգամ բակային թիմերում չեն խաղացնի: Ի՞նչ է նշանակում դարպասապահի հրապարակում ընդունել գնդակը ու խաբս տալ կողքիդ գտնվող հինգ ֆուտբոլիստների եւ դարպասապահին ու գոլ խփել:
Այսպես շարունակվել չի կարելի: Կանգ առեք ու սթափվեք: Սա արդեն ավելին է, քան խայտառակությունը:
Top-News.am
Երևանում խուլիգանական վարք դրսևորելու կասկածանքով ձերբակալվել է լեհական ակումբի 17 երկրպագու
Դաշտ են դուրս գալիս ձեւիստները
Ում դրոշը պետք է երեւա սահմանի այն կողմում
Հայաստանի քաղաքացիները հայտնվել են ռուսական անձնագիր ստացողների թոփ-5-ում
Քաղաքապետարանի ավտոբուսների մասնակցությամբ ամեն 2-րդ վթարի մեղավորը ավտոբուսի վարորդներն են
Բեմ են դուրս գալիս «սոցիոլոգները»
Երևան-Մոսկվա չվերթի ինքնաթիռում ոչ ադեկվատ վիճակում գտնվող ուղևորը ձերբակալվել է
61 միլիոն եվրո․ Մբապեն դատարանում հաղթել է ՊՍԺ–ին
200.000 դոլար՝ միջնորդության և 23.000 դոլար՝ կառուցապատման թույլտվության համար. Աղազարյանի գործը դատ...
ՍԱՏՄ-ն անհայտ ծագման միս է առգրավել ու ուղարկել ոչնչացման (տեսանյութ)