Իտալիայի իշխանությունները նոր սահմանափակող միջոցներ չեն սահմանի՝ չնայած վարակվածների թվի աճին

Իտալիայի իշխանությունները նոր սահմանափակող միջոցներ չեն սահմանի՝ չնայած վարակվածների թվի աճին: Այս մասին Bloomberg-ի հետ զրույցում ասել է Իտալիայի առողջապահության նախարար Ռոբերտո Սպերանսան:

Նրա խոսքով իրավիճակը հսկողության տակ է:

Նախարարը նշել է, որ իտալական առողջապահական համակարգն ամրապնդվել է, եւ թեստավորում է անցկացվում նաեւ օդանավակայաններում:

Իտալիան, որը Եվրոպայում կորոնավիրուսի տարածման էպիկենտրոն էր դարձել, կարանտինային միջոցներ է սահմանել 3 ամիս առաջ, ինչը լուրջ վնաս է հասցրել տնտեսությանը: Կառավարությունը կանխատեսում է, որ այս տարի երկրի ՀՆԱ-ն կկրճատվի 8 տոկոսով, սակայն վերլուծաբանները կարծում են, որ անկումը կհասնի 10 տոկոսի:

Վերջին շաբաթների ընթացքում Իտալիայում կորոնավիրուսով վարակման նոր դեպքերի թիվը գրեթե ամեն օր աճում է:

Օգոստոսի 25-ի դրությամբ Իտալիայում գրանցվել է վարակման 876 նոր դեպք, վարակվածների թիվը հասնում է 261 174-ի, մահացել է 35 445 մարդ:

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը