Բելառուսի նախագահի թեկնածուն հայտարարել է, որ իր հասցեին սպառնալիքներ են հնչում

Բելառուսի նախագահի թեկնածու Անդրեյ Դմիտրիևը հայտարարել է, որ երկրում ընթացող նախընտրական քարոզարշավի ընթացքում իր հասցեին սպառնալիքներ են հնչում: Այս մասին նա ասել է «ՌԻԱ Նովոստի» գործակալությանը տված հարցազրույցում:

«Կան սպառնալիքներ համացանցում, անձնական հաղորդագրություններ էլ են գալիս: Մարդիկ ինչ ասես չեն ուղարկում՝ սկսած վիրավորանքներից, վերջացրած ուղիղ սպառնալիքներով: Այդ ամենը կա, ես, իհարկե, անհանգստանում եմ և՛ ընտանիքիս, և՛ թիմի անդամների համար, քանի որ Բելառուսում ոչ ոք ապահովագրված չէ դրանից»,-ասել է Դմիտրիևը:

Նա տեղեկացրել է, որ դեռևս չի դիմել իրավապահ մարմիններին, քանի որ չի ցանկանում «բորբոքել կրքերը»:

«Եթե տեսնեմ, որ այդ ամենը հասնում է անընդունելի մակարդակի, իհարկե, ես դա կանեմ: Ամեն դեպքում, պարզ չէ, թե ով է դա գրում: Ես ուղղակի ընթերցում եմ այդ նամակները և փորձում եմ պաշտպանել ընտանիքիս անդամներին, նրանց համար անվտանգության կանոններ սահմանել»,-բացատրել է նախագահի թեկնածուն:

Բելառուսում նախագահական ընտրությունները կկայանան օգոստոսի 9-ին, դրան կմասնակցի 5 թեկնածու: Գործող նախագահ Ալեքսանդր Լուկաշենկոյի հիմնական մրցակիցը լինելու է ընդդիմության միասնական թեկնածու Սվետլանա Տիխանովսկայան:

Այս թեմայով Մինսկում ընթանում է ընդդիմության «փայլուն երթը» Բելառուսի ՆԳՆ-ն հաստատել է Մինսկում ընդդիմության բողոքի ակցիայի ժամանակ տեղի ունեցած հրաձգությունն ու նշել է ձերբակալվածների թիվը Տիխանովսկայայի աջակից Օլգա Կովալկովան հայտնել է, որ Բելառուսի իշխանություններն իրեն դուրս են բերել երկրից «Մեկը բոլորի եւ բոլորը մեկի համար»․ Տիխանովսկայան հայտարարել է Միասնության քայլերթ Մինսկում «Նրանց «ֆաս» հրաման է տրվել». Լուկաշենկոն մեկնաբանել է մերձբալթյան երկրների կողմից Բելառուսի նկատմամբ սահմանված պատժամիջոցները