Կինը եռյակով է հղիացել, չնայած հակաբեղմնավորման պարույրի օգտագործմանը
Անգլիական Բերթոն ափոն Թրենթ քաղաքից (Սթաֆֆորդշիր կոմսություն) 26-ամյա Բեթանի Սմիթը եռյակ է ծնել, չնայած նրա մոտ տեղադրված էր հակաբեղմնավորման պարույր: Այս հետաքրքիր դեպքի մասին հայտնել է Birmingham Mail պարբերականը:
Պարբերականի տեղեկություններով՝ կինը, որն արդեն 3 երեխա ուներ, զարմացել է, երբ նկատել է, որ նորից հղիացել է, քանի որ անցանկալի հղիությունից պաշտպանվելու համար տեղադրել էր ներարգանդային պարույր:
Շուտով պարզվել է, որ պտուղը մեկը չէ՝ նա եռյակով էր հղի: Այս լուրը Բեթանիին եւ նրա զուգընկերոջը նույնպես զարմացրել է, քանի որ նախորդ սերունդների նրանց ընտանիքներում երկվորյակներ չեն եղել:
Հղիության 26-րդ շաբաթում Բեթանիի մոտ սկսվել է վաղաժամ ծննդաբերություն, որը բժիշկներին հաջողվել է կանգնեցնել: Հաջողվել է հղիությունը երկարացնել մինչեւ 31-րդ շաբաթ (նորման մոտ 38 շաբաթն է), որից հետո կատարել են կեսարյան հատում: Երեխաներն անհաս են ծնվել, եւ Բեթանին նրանց չի կարողացել տեսնել առաջին 2 օրերին՝ նրանք միացված էին շնչառական սարքերին:
Կորոնավիրուսային համավարակի պատճառով նորածինների մոտ բաժանմունք կարող էր մտնել միայն ծնողներից մեկը, այն էլ՝ օրը միայն մեկ անգամ՝ դիմակով, ձեռնոցներով եւ խալաթով:
Երեք շաբաթ հետո երեխաներին հիվանդանոցից դուրս են գրել, եւ հիմա նրանք իրենց լավ են զգում:
Քրոջը սպանած տղամարդուն բռնել են զոհի ձեռքերը պայուսակի մեջ քողարկելիս
Ալյասկայում Ուկրաինայի վերաբերյալ համաձայնություն չի եղել. Ռուբիո
«Ուժեղ Հայաստան»-ի պատգամավորի թեկնածուներից 2-ը կալանավորվել են, 4-ի նկատմամբ հայտարարվել է հետախու...
Մերցը Մոսկվային կոչ է արել կանգ առնել շփման գծում և բանակցություններ սկսել Կիևի հետ
Կոտայքում սպասվող 7.4 մագնիտուդով երկրաշարժի մասին լուրը կեղծ է․ ՆԳՆ
ՀՀ վարչապետ Նիկոլ Փաշինյանի ճեպազրույցը ուղիղ
Վրաստանը կշարունակի իր պրագմատիկ քաղաքականությունը Ռուսաստանի հետ
Նպատակը՝ տրանսֆերային արժեքը հնարավորինս նվազեցնելն է
Ուրսուլա ֆոն դեր Լայենը հաջորդ շաբաթ կայցելի Հայաստան և Ադրբեջան
Փարիզում քննարկվել են Հայաստանի և ՅՈՒՆԵՍԿՕ-ի մշակութային համագործակցության հեռանկարները