240 կիլոգրամանոց կինը երազում է աշխարհում ամենախոշոր ազդրերի դափնեկիր դառնալու մասին (ֆոտո)
Բոբի Ջո Ուեսթլին 240 կգ է կշռում, սակայն նիհարելու մասին անգամ չի մտածում։ Հակառակը՝ նա երազում է ավելի շատ քաշ հավաքելու եւ աշխարհում ամենախոշոր ազդրերի դափնեկիրը դառնալու մասին։
Ամերիկուհու ազդրերի շրջագիծն արդեն 240 սմ է, բայց նա ցանկանում է գերազանցել ներկայումս գոյություն ունեցող 251 սմ ռեկորդը, որը պահպանում է Լոս Անջելեսի բնակչուհի Միքել Ռուֆինելին։ Բժիշկները պնդում են, որ եթե Բոբի Ջոն չդադարեցնի նոր ռեկորդի ձգտումները, ապա կարող է ավելորդ քաշի պատճառով ուղղակի մահանալ։ Կինը, սակայն, նրանց չի լսում եւ չի ցանկանում նիհարել։
Ծագումով Փենսիլվանիայից 42-ամյա կինը համացանցում աշխարհի տարբեր երկրներից տասնյակ հազարավոր երկրպագուներ ունի, որոնց նա իր լուսանկարներն է վաճառում։ Որոշ երկրպագուներ վճարում են անգամ ֆոտոշարքերի համար, որոնց ժամանակ Բոբի Ջոն նստում է նրանց վրա եւ ճզմում իր մարմնի քաշով։
«Իմ ազդրերն ինձ առանձնահատուկ են դարձնում,- ասել է կինը։ - Դրանցով եմ ես կայացել։ Երբ հասկացա, որ մեծ թվով տղամարդիկ կան, որոնք պաշտում են իմ մարմնաձեւերը, ես զարմացա։ Իմ երկրպագուներից ես ահռելի քանակով հաղորդագրություններ եւ նվերներ եմ ստանում, իսկ շատերը նույնիսկ խնդրում են իրենց հետ ամուսնանալ։ Դա բավականին դժվար է՝ հաշվի առնելով, որ ես արդեն ամուսնացած եմ»։
Իհարկե, հիացական հաղորդագրություններից բացի, տիկինը մեծ թվով բացասականներն էլ է ստանում, սակայն նա աշխատում է բացասականն անտեսել։
«Նրանք ինձ հաստլիկ են անվանում եւ դրանով մտածում են ինձ վիրավորել,- ասել է Բոբի Ջոն։ - Բայց ես հենց հաստլիկ եմ։ Սակայն հատկապես իմ կազմվածքն է ինձ համար այդքան կանխիկ փող ապահովում»։
Նույն կազմվածքը Բոբի Ջոյին զրկում է շարժունակությունից․ բժիշկների խորհրդով նա տանից դուրս չի գալիս։ Նա մեծ դժվարությամբ է կատարում առօրյա գործերը, իսկ հեւոցն առաջանում է նույնիսկ սենյակով քայլելու դեպքում։
Բժիշկներն արդեն փորձել են նրան բացատրել, որ եթե չսկսի նիհարել, ապա ամենայն հավանականությամբ առաջիկա տարիներին կմահանա սրտի նոպայից։ Ինքը Բոբի Ջոն պնդում է, որ իր գիրությունը վահանաձեւ գեղձի թերզարգացման հետեւանք է։ Նրան այսպիսի ախտորոշում են կատարել 6 տարի առաջ։ Բժիշկները նրան արդեն առաջարկել են գաստրոշունտավորման միջոցով ճարպակալման արմատական բուժում, սակայն տիկինը շարունակում է քաշ հավաքել, քանի որ համոզված է, թե ճակատագրով նախանշված է, որ դառնալու է մոլորակում ամենախոշոր ազդրերի դափնեկիրը։
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Մայր Աթոռի հայտարարությունը
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
54-ամյա Քրիստինա Օրբակայտեն լողազգեստով ցուցադրել է կազմվածքը
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
«Միսս Անգլիա» մրցույթում առաջին բացահայտ նույնասեռական հաղթողը պատմել է, որ իրեն «ծաղրել են» իր սեռա...
Քեյթ Միդլթոնը բացահայտել է իր արտաքինի մասին զարմանալի գաղտնիք