Լոբոդայի պրոդյուսերը բացահայտել է նրա հոնորարների չափը

Նատելա Կրապիվինան՝ Սվետլանա Լոբոդայի պրոդյուսերն ու ընկերուհին, որը միշտ պաշտպանոմ է երգչուհուն եւ պատասխանում համացանցում նրան վիրավորողներին, հաղորդավար Սերգեյ Մինաեւի հետ օնլայն վեճից հետո նրան հարցազրույց է տվել։ Ավելի վաղ նա վիրավորական արտահայտություններ էր արել Լոբոդայի ստեղծագործության մասին՝ ծաղրալից տեսանյութ հրապարակելով, ինչպես նաեւ նշելով, որ նա վատ երաժշտություն է մատուցում։ Կրապիվինան զայրալից պատասխանել էր նրան։ Արդյունքում քննարկումը Instagram-ի ուղիղ եթերում հարցազրույցի է վերածվել։

Զրույցի ընթացքում Նատելան բացահայտել է Ռուսաստանի Դաշնությունում Լոբոդայի հոնորարների չափը, ուր երգչուհին հիմնականում աշխատում է։

 «Գինը տարբերվում է Մոսկվայից հեռավորության հետ կապված։ Մոսկվայում, Բարվիխում կազմում է մինչեւ տաս մլն։ Իրականում կան հարսանիքներ, դա առանձին գնացուցակ է։ Արտիստներն այնքան էլ չեն սիրում հարսանիքներ։ Կան մեծ ընկերության կորպորատիվներ, պարզապես կորպորոտիվներ, երբ զվարճանում են աշխատակիցները, սա արդեն այլ գնացուցակ է։ Տարվա եղանակը որոշում է. օրինակ՝ երբ հասկանում ես, որ սեպտեմբերն այնքան էլ եկամտաբեր ամիս չէ, արդեն իջեցնում ես գները»,- պատմել է պրոդյուսերը։