Քիմն ու Քանյեն 113 000 դոլարով մտադիր են փոխնակ մայր վարձել երրորդ երեխան ունենալու համար

Ամերիկյան որոշ աղբյուրներ հաղորդում են, որ 36-ամյա Քիմ Քարդաշյանը և նրա ամուսինը` 40-ամյա Քանյե Ուեսթը, փոխնակ մոր ծառայությունների են դիմել երրորդ երեխան ունենալու համար:

Ինչպես հայտնում է Daily Mail-ը, փոխնակ մայր վարձելու գործարքը 113 850 դոլար կարժենա: Նշվում է, որ այս որոշումը զույգը կայացրել է, երբ Քիմի մոտ ընկերքի սերտաճում է հայտնաբերվել, որի պարագայում ևս մեկ հղիությունը կարող է վտանգ ներկայացնել կյանքի համար:

Հայտնի է դարձել, որ զույգը գործակալության միջոցով փոխնակ մայր է փնտրել, որին 10 ամսվա ընթացքում 45 000 դոլար պետք է վճարի, իսկ գործակալության ծառայությունների արժեքը կազմում է 68 850 դոլար:

Աղբյուրի հաղորդմամբ` եթե հղիության արդյունքում մեկից ավելի երեխաներ ծնվեն, փոխնակ մայրը հավելյալ 5000 դոլար կստանա զույգի դեպքում և 10000 դոլար` եռյակի: Իսկ եթե փոխնակ մայրը վնասի վերարտադրողական օրգանները հղիության ընթացքում, ապա 4000 դոլար փոխհատուցում կստանա:

tert.am