Հայաստանում այսօր գործ ունենք քաղաքական մշակույթի լիարժեք բացակայության հետ. Կարեն Բեքարյան (տեսանյութ)
Հայաստանում այսօր քաղաքական մշակույթը լիարժեք բացակայում է: «Տողերի արանքում» հաղորդաշարի հերթական թողարկմանը նման կարծիք է հայտնել վերլուծաբան Կարեն Բեքարյան:
Նրա կարծիքով՝ այս մասին է վկայում կալավայրերում գտնվողների, այդ թվում՝ Արցախի առաջին և Հայաստանի երկրորդ նախագահի նկատմամբ մարդասիրական մոտեցման վերաբերյալ կաթողիկիոսի խոսքին հետևած զարգացումները:
«Ականատես եղանք, թե ինչպես արտահայտած միտքը կարող է չհարգվել այնքան, որ իր հետևից բերի հարձակումների այդպիսի հոսանք՝ չճանաչող արժեքներ, սիմվոլիկա, պատկերացումներ, որ խոսքը վերաբերում է Հայ Առաքելական եկեղեցու կաթողիկոսին՝ եկեղեցու, որը, որպես ազգային ինստիտուտ, իր արդյունավետությունն ապացուցում է դարեր շարունակ», - նշել է Կարեն Բեքարյանը:
Գործող իշխանության մոտ քաղաքական մշակույթի բացակայության մասին է վկայում նաև վարչապետ Նիկոլ Փաշինյանի՝ ապրիլի 19-ի ֆեյսբուքյան ուղիղ եթերը: Վերլուծաբանն ընդգծում է, որ խոսքը միայն բառակազմին չի վերաբերում, որը երկրի առաջին դեմքից մենք առաջին անգամ չէ, որ լսում ենք:
«Եթե անդրադառնանք հարցի բովանդակությանը, մի կողմ թողնելով բառակազմը, ընդամենը մեկ ուղիղ եթերի ժամանակ գործադիր իշխանության ղեկավարի, երկրի ղեկավարի կողմից կատարվեց հարձակում 4-րդ իշխանության վրա, հերթական անգամ հարձակում՝ դատական իշխանության վրա՝ անհարգալից վերաբերմունքի ցուցադրմամբ, հարձակում այլակարծության նկատմամբ, քաղաքական հնարավոր մրցակիցների նկատմամբ, ականատեսը եղանք փաստացի անհարգալից վերաբերմունքի պետական ծառայության նկատմամբ, շանտաժի, ուղղակիորեն ուժի սպառնալիքի կիրառման», - նշել է Կարեն Բեքարյանը:
Վերլուծաբան անդրադարձել է նաև վարչապետի ուղերձից առաջ կադրերի արտահոսքի հետ կապված «անասելի ու անհասկանալի աղմուկին, որը հանգեցրել է բոլոր իմաստներով արժեզրկված բանավեճի՝ դառնալով մեր հանրության թոփ թեման»:
«Ի դեպ, այս ամենը շատ հետաքրքիր «պատահականությամբ» տեղի էր ունենում հենց այն օրերին, երբ Ազգային ժողովն ընդունել է օրենք, որի համաձայն՝ Հանրային հեռուստատեսություն է վերադառնում գովազդը։
Հենց այս պահին տեղի ունեցավ, պայմանական ասած, սկանդալը, որն արդեն իսկ հանգեցնում է հրաժարականների: Հորիված թեմա՝ մի կողմից ուշադրություն շեղող մեր իրական խնդիրներից, մյուս կողմից ուղղակիորեն փոխկապակցված օրենքի և ֆինանսական հոսքերի փոփոխության հետ»:
Գյումրի-Աշոցք և Գյումրի-Ջաջուռ ավտոճանապարհները փակ են բոլոր տեսակի տրանսպորտային միջոցների համար
Ով ինչպես է սիրում Հայաստանը
Չորս հայ գերրիներ են վերադարձել Հայաստան
Իրանը չունի ԱՄՆ-ի և Իսրայելի հшրվածներից վնաuված միջnւկային օբյեկտները վերականգնելու ծրագրեր. Արաղչի
«Գոլդեն Ֆլորենս»-ի արտադրական գործունեությունը կասեցվել է
ՀՅԴ-ն որոշում ունի․ որ ուժի հետ դաշինք կկազմի
Լինդա Էուլջեքջյանը հայտնել է, որ ամուսնու ազատ արձակման մասին իմացել է նույն օրը
«Իմացել ենք լուրը, շատ ուրախ ենք». Վագիֆ Խաչատրյանի դուստրը անհամբեր սպասում է գերությունից ազատ արձ...
Հունվարի 1-ից սոցփաթեթի շահառուների համար հանվել է պարտադիր կանխարգելիչ բուժզննություն անցնելու պահա...
Ազատել եմ աշխատանքից ՊՆ այն աշխատակիցներին, որոնց զավակները այլ երկրի քաղաքացի են․ Պապիկյան