ԱՄՆ նախագահ Դոնալդ Թրամփի կողմից Գրենլանդիայի շուրջ հնչեցված մաքսատուրքային սպառնալիքներից հետո Դանիայի վարչապետ Մետտե Ֆրեդերիկսենը հայտարարել է, որ «Եվրոպան չի ենթարկվի շանտաժի»։
Եվրոպացի առաջնորդները շարունակում են քննարկել իրենց համատեղ արձագանքը Վաշինգտոնի հնարավոր տնտեսական ճնշմանը։
Թրամփն ասել է, որ փետրվարին նոր մաքսատուրքեր կսահմանի ԱՄՆ ութ դաշնակիցների՝ Դանիայի, Ֆինլանդիայի, Ֆրանսիայի, Գերմանիայի, Նիդեռլանդների, Նորվեգիայի, Շվեդիայի և Մեծ Բրիտանիայի վրա, եթե նրանք դեմ լինեն Դանիայի ինքնավար տարածքի իր առաջարկած «զավթմանը»:
Նա պնդում է, որ Գրենլանդիան կարևոր է ԱՄՆ անվտանգության համար և չի բացառել այն ուժով զավթելու հնարավորությունը, ինչը լայն քննադատության է արժանացել։
Մաքսատուրքերի սպառնալիքի տակ գտնվող երկրները համատեղ հայտարարություն են տարածել:
«Մաքսատուրքերի սպառնալիքները խաթարում են տրանսատլանտյան հարաբերությունները», — ասված է հայտարարության մեջ։ Նրանք վերահաստատել են, որ «լիակատար համերաշխություն են հայտնում Դանիայի Թագավորությանը և Գրենլանդիայի ժողովրդին»։
Երկրներն ընդգծել են, որ որպես ՆԱՏՕ-ի ռազմական դաշինքի անդամներ՝ «հանձնառու են ամրապնդել Արկտիկայի անվտանգությունը որպես տրանսատլանտյան ընդհանուր շահ»։
«Մենք պատրաստ ենք երկխոսության՝ հիմնված ինքնիշխանության և տարածքային ամբողջականության սկզբունքների վրա, որոնց մենք անսասանորեն աջակցում ենք»,- ասված է հայտարարության մեջ։
Ֆրեդերիկսենը ֆեյսբուքի էջում գրել է. «Մենք ցանկանում ենք համագործակցել, և մենք չենք ձգտում հակամարտության։ Եվրոպան չի ենթարկվի շանտաժի»։
«Առավել կարևոր է, որ մենք անսասան մնանք եվրոպական համայնքի ստեղծած հիմնարար արժեքների հարցում»,-նշել է նա։
Մեծ Բրիտանիայի վարչապետ սըր Քիր Սթարմերը հայտարարել է, որ կիրակի օրը հեռախոսազրույցներ է ունեցել Ֆրեդերիկսենի, ինչպես նաև Եվրահանձնաժողովի նախագահ Ուրսուլա ֆոն դեր Լեյենի և ՆԱՏՕ-ի գլխավոր քարտուղար Մարկ Ռյուտեի հետ՝ նախքան Թրամփի հետ խոսելը։
Սթարմերի գրասենյակի խոսնակը հայտարարել է, որ նա վերահաստատել է իր դիրքորոշումը, որ Գրենլանդիայի անվտանգությունը ՆԱՏՕ-ի բոլոր անդամների համար առաջնահերթություն է։ «Նա նաև ասել է, որ դաշնակիցների նկատմամբ մաքսատուրքեր կիրառելը ՆԱՏՕ-ի դաշնակիցների կոլեկտիվ անվտանգությունը հետապնդելու համար սխալ է», - հավելել է խոսնակը։
Գյումրի-Աշոցք և Գյումրի-Ջաջուռ ավտոճանապարհները փակ են բոլոր տեսակի տրանսպորտային միջոցների համար
Ով ինչպես է սիրում Հայաստանը
Չորս հայ գերրիներ են վերադարձել Հայաստան
Իրանը չունի ԱՄՆ-ի և Իսրայելի հшրվածներից վնաuված միջnւկային օբյեկտները վերականգնելու ծրագրեր. Արաղչի
Լինդա Էուլջեքջյանը հայտնել է, որ ամուսնու ազատ արձակման մասին իմացել է նույն օրը
«Գոլդեն Ֆլորենս»-ի արտադրական գործունեությունը կասեցվել է
ՀՅԴ-ն որոշում ունի․ որ ուժի հետ դաշինք կկազմի
«Իմացել ենք լուրը, շատ ուրախ ենք». Վագիֆ Խաչատրյանի դուստրը անհամբեր սպասում է գերությունից ազատ արձ...
Հունվարի 1-ից սոցփաթեթի շահառուների համար հանվել է պարտադիր կանխարգելիչ բուժզննություն անցնելու պահա...
Ազատել եմ աշխատանքից ՊՆ այն աշխատակիցներին, որոնց զավակները այլ երկրի քաղաքացի են․ Պապիկյան