Հայուհին Քուվեյթից դարձել է ամերիկյան «Տնային տնտեսուհիների» աստղը (տեսանյութ, լուսանկարներ)

«Օրինջ շրջանի իսկական տնային տնտեսուհիների» «Real Housewives of Orange County» հայտնի հեռուստաշոուի ամառային եթերաշրջանում, որը ցուցադրում է «Bravo» հեռուստաընկերությունը, նոր աստղ է հայտնվել՝ հայկական ծագում ունեցող ամերիկուհի Փեգի Սուլախյանը: Փոխանցում է «rusarminfo.ru»-ն:
«Փեգին ծնվել է Քուվեյթում հայկական ընտանիքում, իսկ ԱՄՆ ծնողների հետ տեղափոխվել է դեռ երեխա ժամանակ: 43-ամյա սևահեր կնոջը կարելի է անվանել բարձրաշխարհիկ փորձառու տնային տնտեսուհի: Նա ամուսնացած է արդեն 20 տարի և երեք երեխա ունի», - պատմում է ամերիկյան հեռուստաալիքը ռեալիթի շոուի նոր աստղի մասին:

Սուլախյանի առօրյան գլամուրային և հարուստ է: Նա գաղտնիքներ է պատմում հայկական ծագմամբ հարուստ տնային տնտեսուհիների ապրելակերպից: Փեգիի ամուսինը՝ ամերիկահայ Դիկո Սուլախյանն է, որին հաճախակի անվանում են անվադողերի արքա, որը մեծ հարստություն է կուտակել լյուքս դասի մեքենաների համար անվադողեր վաճառելով: