«Փաշինյանը վերադարձել է դավադրությունների տեսությանը»․ Ավետիք Չալաբյանը հարցեր է ուղղվել վարչապետին
«Ազգային օրակարգ» կուսակցության համահիմնադիր Ավետիք Չալաբյանը ֆեյսբուքյան իր էջում գրառում է կատարել՝ անդրադառնալով Հայաստանի վարչապետ Նիկոլ Փաշինյանի՝ հայտարարությանը՝ իրավապահ համակարգի վերին օղակներիում դավաճանների առկայության մասին։
Նա, մասնավորապես, նշել է. «ՀՀ վարչապետ Նիկոլ Փաշինյանը, իրեն հատուկ սենսացիոն ոճի մեջ, փետրվարի 26-ին հայտարարեց, որ Հայաստանի իրավապահ համակարգի ամենավերին օղակներում կան դավաճաններ, որոնք խանգարում են իրեն պայքարել թալանչիների դեմ, եւ հետ բերել ժողովրդին խոստացած միլիարդները։
Անկեղծ ասած, կարելի էր համարել, որ սա նրա երեւակայության հերթական ծնունդն է։ Նախկինում էլ նա հայտարարել էր, որ Արցախի բարձրագույն ղեկավարության մեջ կան դավադիրներ, որոնք փորձում են պատերազմ հրահրել, եւ ողջ մեղքը գցել իր վրա։
Փառք Աստծո, ոչ պատերազմ տեղի ունեցավ, ոչ էլ դավադիրներ հայտնաբերվեցին, ցույց տալով պարոն Փաշինյանի երեւակայության ողջ սնանկությունը։
Հիմա սակայն, քանի որ պարոն Փաշինյանը վերադարձել է դավադրությունների տեսությանը, եւ արդեն իր իսկ ղեկավարած իրավապահ մարմինների բարձրագույն օղակներում դավաճաններ է հայտնաբերել, ես, որպես ՀՀ օրինապահ եւ ղեկավարի խոսքերին պատասխանատու վերաբերվող քաղաքացի, կուզեի նրան մի քանի հարց ուղղել այս կապակցությամբ`
ա) ովքե՞ր են այդ դավաճանները, եւ ինչո՞ւմ է նրանց դավաճանությունը։
բ) եթե կա այդպիսի դավաճանության փաստ, ինչո՞ւ այդ անձանց նկատմամբ քրեական հետապնդում չի սկսում, չէ որ դավաճանությունը ծանր քրեական հանցանք է։
գ) եթե Ձեզ, որպես հանրապետության վարչապետի, անցյալում հայտնի են դարձել այդպիսի փաստեր, ինչո՞ւ ընթացք չեք տվել։ Ինչո՞ւ են այդ անձինք մինչեւ հիմա պաշտոնավարում, վտանգելով մեր պետությունը։
դ) ի վերջո, ե՞րբ եք պատրաստվում ընթացք տալ այդ փաստերին, եւ փարատեք բոլորի կասկածները։
ե) եթե հետաքննության արդյունքում պարզվի, որ Ձեր ենթականերից ոմանք իսկապես դավաճաններ էին, ինչպիսի անձնական պատասխանատվություն եք Դուք պատրաստ վերցնել Ձեզ վրա, այդ պաշտոնյաների գործունեության համար։
զ) եթե ոչ մի դավաճանության փաստ չբացահայտվի, ինչպիսի՞ պատասխանստվություն եք Դուք նորից պատրաստ վերցնել Ձեզ վրա, այս դեպքում արդեն կեղծ լուրեր տարածելու համար։
է) եւ վերջապես, ի՞նչ կապ ունի այս սենսացիոն հայտարարությունը ձեր աջակիցների կողմից սահմանադրության պահանջների խախտմամբ ձեռնարկած հանրաքվեի սկսվող քարոզարշավի հետ։
Շնորհակալ կլինեմ, եթե պատասխանեք ոչ միայն ինձ, այլեւ Ձեր ընտրողներին։ Համոզված եմ, որ Ձեր խոսքերից նրանցից շատերը տարակուսած են, եւ հիմա կոնկրետ գործողություններ են սպասում»:
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան