Բանակցությունների ժամանակ Պուտինը Լուկաշենկոյին հյուրասիրել է հատապտուղներով շիլայով
Ռուսաստանի նախագահ Վլադիմիր Պուտինը Սոչիում բանակցությունների սկզբին իր բելառուս գործընկեր Ալեքսանդր Լուկաշենկոյին հյուրասիրել է շիլայով, հայտնում է ՏԱՍՍ-ը:
«Առավոտյան շիլա կերե՞լ եք»,- Բելառուսի նախագահին հարցրել է Պուտինը, երբ նստել են երկու առաջնորդների համար նախաճաշի սեղանի շուրջ, որի վրա բացի հատապտուղներով զարդարված շիլայից, կային բանջարեղենով ճաշատեսակներ եւ հյութով բաժակներ:
«Հո միայն ջուր չեմ խմում»,- պատասխանել է նրան Լուկաշենկոն:
«Համտեսեք, ձեզ դուր կգա»,- համոզել է նրան ՌԴ նախագահը:
Ավելի վաղ Պուտինն ասել էր, որ շիլաները մտնում են իր առավոտյան սննդակարգի մեջ: Այսպես՝ 2016 թվականին «Ուղիղ գծով» ստացված նման սնունդի հանդեպ իր վերաբերմունքի մասին մանկական հարցերից մեկին պատասխանելիս ՌԴ նախագահը խոստովանել էր, որ այն ամեն օր հաճույքով ուտում է: Նա շեշտել էր, որ տարիքին զուգահեռ շիլաների հանդեպ իր վերաբերմունքը «դրական փոփոխություն է կրել»: «Որքան քիչ ատամ ունես, այնքան շատ ես շիլա սիրում»,- կատակել է Պուտինը:
2017 թվականին պատասխանելով Համառուսական ժողովրդական ճակատի մեդիաֆորումի մասնակիցների հարցերին, ՌԴ նախագահն իր ամենից շատ սիրած ճաշատեսակ է նշել կրկին շիլան՝ բրնձի, հնդկաձավարի կամ ցորենի: «Վարսակի շիլա չեմ ուտում»,- հավելել է նա:
Ալյասկայում Ուկրաինայի վերաբերյալ համաձայնություն չի եղել. Ռուբիո
Մերցը Մոսկվային կոչ է արել կանգ առնել շփման գծում և բանակցություններ սկսել Կիևի հետ
Կոտայքում սպասվող 7.4 մագնիտուդով երկրաշարժի մասին լուրը կեղծ է․ ՆԳՆ
«Ուժեղ Հայաստան»-ի պատգամավորի թեկնածուներից 2-ը կալանավորվել են, 4-ի նկատմամբ հայտարարվել է հետախու...
Նպատակը՝ տրանսֆերային արժեքը հնարավորինս նվազեցնելն է
Վրաստանը կշարունակի իր պրագմատիկ քաղաքականությունը Ռուսաստանի հետ
Ուրսուլա ֆոն դեր Լայենը հաջորդ շաբաթ կայցելի Հայաստան և Ադրբեջան
Մենդելեևի աղյուսակ ու հաշվիչներ. ապագա բժիշկները քննություն են հանձնում քիմիա առարկայից
Լավ տղան ընտրակաշառք չի վերցնի․ Գեղամ Նազարյան
ԱԱ-2026-ի փլեյ-օֆֆի նախնական ցանցն ունի հետևյալ տեսքը