Թրամփի խորհրդականը հայտարարել է, որ Իսրայելը կհրաժարվի բռնակցումներից մինչեւ խորհրդարանական ընտրությունները
Միացյալ Նահանգների նախագահի ավագ խորհրդական Զարեդ Քուշները հայտարարել է, որ Իսրայելի կառավարությունը խոստացել է նախքան մարտի 2-ին Իսրայելում նախատեսված խորհրդարանական ընտրությունները քայլեր չձեռնարկել Հորդանանի հովտում եւ Արեւմտյան ափին գտնվող հրեական բնակավայրերի վրա ինքնիշխանություն տարածելու ուղղությամբ: Նրա խոսքերն ուրբաթ օրը մեջբերել է իսրայելական Kan հեռուստաընկերությունը, փոխանցում է ՏԱՍՍ-ը:
ԱՄՆ նախագահի խորհրդականը նաև կարծիք է հայտնել, որ Դոնալդ Թրամփի` Մերձավոր Արեւելքի կարգավորման ծրագրի հրապարակումից հետո տարածաշրջանում լարվածության սրման համար պատասխանատու են Պաղեստինի իշխանությունները: «Աբու Մազենը (Պաղեստինի նախագահ Մահմուդ Աբասի կուսակցական կեղծանունը) պատասխանատվություն է կրում Իսրայելում բռնությունների վերջին դեպքերի համար»,- կարծում է Քուշները:
Հունվարի 28-ին Թրամփը հայտարարել էր «դարի գործարքի»` պաղեստինա-իսրայելական խաղաղության պլանհի հիմնական դրույթները: Դրանք ներառում էին Իսրայելի ինքնիշխանության ճանաչումն արդեն Պաղեստինի տարածքում հայտնված հրեական բնակավայրերի նկատմամբ, ինչպես նաև` արաբական պետության հրաժարումը զինված պայքարից: Բացի այդ, Վաշինգտոնում առաջարկել են «անբաժանելի» Երուսաղեմը դարձնել Իսրայելի մայրաքաղաք, իսկ «Արեւելյան Երուսաղեմը»` Պաղեստինի մայրաքաղաք:
Իսրայելի վարչապետ Բենյամին Նեթանյահուն աջակցել է նախաձեռնությանը եւ պատրաստակամություն հայտնել խաղաղ բանակցությունների անհապաղ մեկնարկի կապակցությամբ: Աբասը եւ արմատական «ՀԱՄԱՍ» շարժման ներկայացուցիչները վճռականորեն մերժել են ԱՄՆ նախագահի առաջարկները:
Հունվարի 28-ին Նեթանյահուն հայտնել էր Հորդանանի հովտի և Արեւմտյան ափի հրեական բնակավայրերի վրա Իսրայելական ինքնիշխանությունը տարածելու հարցն արդեն փետրվարի 2-ին Նախարարների կաբինետի հաստատմանը ներկայացնելու մտադրության մասին: Հունվարի 29-ին Իսրայելի կառավարությունում այս հարցի վերաբերյալ քվեարկությունը հետաձգվեց տեխնիկական պատճառներով: Նույն օրը պաշտպանության նախարար Նավթալի Բենեթը հայտարարեց ինքնիշխանության տարածման ուղղությամբ աշխատանքներն առաջ տանելու համար հատուկ թիմ ստեղծելու մասին:
Ալյասկայում Ուկրաինայի վերաբերյալ համաձայնություն չի եղել. Ռուբիո
Մերցը Մոսկվային կոչ է արել կանգ առնել շփման գծում և բանակցություններ սկսել Կիևի հետ
Կոտայքում սպասվող 7.4 մագնիտուդով երկրաշարժի մասին լուրը կեղծ է․ ՆԳՆ
«Ուժեղ Հայաստան»-ի պատգամավորի թեկնածուներից 2-ը կալանավորվել են, 4-ի նկատմամբ հայտարարվել է հետախու...
Նպատակը՝ տրանսֆերային արժեքը հնարավորինս նվազեցնելն է
Վրաստանը կշարունակի իր պրագմատիկ քաղաքականությունը Ռուսաստանի հետ
Ուրսուլա ֆոն դեր Լայենը հաջորդ շաբաթ կայցելի Հայաստան և Ադրբեջան
Մենդելեևի աղյուսակ ու հաշվիչներ. ապագա բժիշկները քննություն են հանձնում քիմիա առարկայից
Լավ տղան ընտրակաշառք չի վերցնի․ Գեղամ Նազարյան
ԱԱ-2026-ի փլեյ-օֆֆի նախնական ցանցն ունի հետևյալ տեսքը