Ջեյ Լոն Սուպերբոուլի բեմին երգել է 11-ամյա դստեր հետ (լուսանկարներ)

Կիրակի ԱՄՆ Ֆլորիդա նահանգի Մայամի քաղաքում կայացել է Սուպերբոուլը՝ Ֆուտբոլի ազգային լիգայի եզրափակիչ խաղը, որի մեկնարկից առաջ տեղի ունեցած շոուն ոչ պակաս տպավորիչ է եղել, քան բուն մարզական միջոցառումը:

Ինչպես նշում է dailymail.co.uk-ը, շոուն անմոռանալի և դիտարժան են դարձրել արևմտյան շոու բիզնեսի ամենավառ աստղերից երկուսը՝ Ջենիֆեր Լոպեսն ու Շակիրան:

Հատկանշական է, որ Լոպեսի ելույթի ժամանակ բեմում նրան է միացել 11-ամյա դուստրը՝ Էմման: Նրանք միասին կատարել են Լոպեսի Let's Get Loud հիթը:

Աղջնակը բեմում է հայտնվել կլոր վանդակից՝ միանման հագնված երեխաների խմբի հետ: Այնուհետև նա առանձնացել է խմբից՝ հանդես գալով մոր հետ առանձին ելույթով:

Լոպեսն ունի երկու երեխա, որոնք ծնվել են հայտնի երգիչ Մարկ Էնթոնիի հետ ամուսնությունից:

«Էմմա, հայրիկն այնքան է քեզնով հպարտանում: Դու իմ սիրտն ես և ես հավիտյանս քոնն եմ»,-դստեր ելույթից ոգեշնչված՝ սոցկայքերում գրել է Էնթոնին: