Թրամփը քննադատել է Բոլթոնին «նողկալի եւ ստահոդ» գրքի համար
ԱՄՆ նախագահ Դոնալդ Թրամփը Twitter-ի իր միկրոբլոգում կտրուկ քննադատել է ազգային անվտանգության հարցերով իր նախկին խորհրդական Ջոն Բոլթոնին՝ նրան մեղադրելով «նողկալի եւ ստահոդ» գիրք գրելու մեջ։
Թրամփի խոսքերով՝ եթե ինքը լսեր Բոլթոնին, «այժմ Վեցերորդ համաշխարհային պատերազմը կընթանար»։
Իր գրառման մեջ ԱՄՆ նախագահը նշել է, որ շատ տարիներ առաջ Բոլթոնի թեկնածությունը չէին հաստատել ՄԱԿ-ում ԱՄՆ մշտական ներկայացուցչի պաշտոնում, եւ «ոչ մի տեղ չէին հաստատում», քանի դեռ նա չսկսեց «աղաչել» ինձ Սենատից դուրս պաշտոնի մասին», եւ նախագահը նշանակել է նրան այդ պաշտոնում, չնայած բոլորը համոզում էին, որ չանի այդ քայլը։
Ավելի վաղ Բոլթոնը պաշտոնապես տեղեկացրել էր ԱՄՆ նախագահի հանդեպ իմփիչմենթի շրջանակներում Սենատում ցուցմունքներ տալու իր պատրաստակամության մասին։
Դրանից հետո հայտնի դարձավ, որ Սենատում հանրապետական մեծամասնությունը չի կարողացել արգելափակել Բոլթոնին որպես վկա կանչելու դեմոկրատների փորձերը։
Այն մասին, որ Բոլթոնը մտադիր է գիրք հրատարակել, հայտնի էր դարձել դեռեւս անցյալ տարվա նոյեմբերին։
Աղբյուրների տվյալների համաձայն, Բոլթոնի շահերը ներկայացրել է Javelin գրական գործակալությունը, որի հաճախորդներից են եղել ՀԴԲ նախկին տնօրեն Ջեյմս Կոմին, ինչպես նաեւ Թրամփի վարչակազմի անանուն ներկայացուցիչը, որի «Նախազգուշացում» գիրքը լույս է տեսել նոյեմբերի 19-ին։
Ալյասկայում Ուկրաինայի վերաբերյալ համաձայնություն չի եղել. Ռուբիո
Մերցը Մոսկվային կոչ է արել կանգ առնել շփման գծում և բանակցություններ սկսել Կիևի հետ
Կոտայքում սպասվող 7.4 մագնիտուդով երկրաշարժի մասին լուրը կեղծ է․ ՆԳՆ
«Ուժեղ Հայաստան»-ի պատգամավորի թեկնածուներից 2-ը կալանավորվել են, 4-ի նկատմամբ հայտարարվել է հետախու...
Նպատակը՝ տրանսֆերային արժեքը հնարավորինս նվազեցնելն է
Վրաստանը կշարունակի իր պրագմատիկ քաղաքականությունը Ռուսաստանի հետ
Ուրսուլա ֆոն դեր Լայենը հաջորդ շաբաթ կայցելի Հայաստան և Ադրբեջան
Մենդելեևի աղյուսակ ու հաշվիչներ. ապագա բժիշկները քննություն են հանձնում քիմիա առարկայից
Լավ տղան ընտրակաշառք չի վերցնի․ Գեղամ Նազարյան
ԱԱ-2026-ի փլեյ-օֆֆի նախնական ցանցն ունի հետևյալ տեսքը