Թրամփը մասնակցել է հղիության արհեստական ընդհատման դեմ ակցիային` դառնալով պատմության մեջ այդ քայլին դիմած ԱՄՆ առաջին նախագահը (լուսանկարներ, տեսանյութ)
ԱՄՆ նախագահ Դոնալդ Թրամփն ուրբաթ մասնակցել է Վաշինգտոնում անցկացված հղիության արհեստական ընդհատման դեմ ամենամյա միջոցառմանը, հայտնում է BBC լրատվականը:
ԱՄՆ-ի տարբեր անկյուններից ժամանած տասնյակ հազարավոր ամերիկացիներ մասնակցել են «Քայլերթ հանուն կյանքի» ակցիային, պատմության մեջ առաջին անգամ ամբիոնից ելույթ է ունեցել ԱՄՆ նախագահը` Դոնալդ Թրամփը:
Ակնհայտ է, որ ԱՄՆ նախագահն այս իրադարձությունը նախընտրական քարոզարշավի անցկացման համար որպես կարևոր հարթակ է ծառայեցրել, գրում են լրատվամիջոցները: Միջոցառման կարևոր մասերից է եղել «Ամերիկան կրկին հզոր» կարգախոսը և տեղանքում Թրամփի լուսանկարներով պաստառների, դրոշների, շապիկների վաճառքը:
«Ինձ համար մեծ պատիվ է լինել պատմության մեջ առաջին նախագահը, որն այցելել է «Քայլերթ հանուն կյանքի» միջոցառմանը: Չծնված երեխաները Սպիտակ տանը դեռևս երբեք ավելի մեծ պաշտպան չեն ունեցել… Յուրաքանչյուր կյանք այս աշխարհ սեր է բերում: Յուրաքանչյուր երեխա ուրախություն է բերում իր ընտանիք: Յուրաքանչյուր մարդ արժանի է պաշտպանության»,- ասել է Թրամփը ժողովրդին ուղղված իր խոսքում:
Հենց շարժման կողմնակիցները նշում են, որ քայլերթն այնքան ժամանակ կիրականացնեն, մինչև որ հղիության արհեստական ընդհատումներն արգելվեն ամբողջ երկրում:
Ալյասկայում Ուկրաինայի վերաբերյալ համաձայնություն չի եղել. Ռուբիո
Մերցը Մոսկվային կոչ է արել կանգ առնել շփման գծում և բանակցություններ սկսել Կիևի հետ
Կոտայքում սպասվող 7.4 մագնիտուդով երկրաշարժի մասին լուրը կեղծ է․ ՆԳՆ
«Ուժեղ Հայաստան»-ի պատգամավորի թեկնածուներից 2-ը կալանավորվել են, 4-ի նկատմամբ հայտարարվել է հետախու...
Նպատակը՝ տրանսֆերային արժեքը հնարավորինս նվազեցնելն է
Վրաստանը կշարունակի իր պրագմատիկ քաղաքականությունը Ռուսաստանի հետ
Ուրսուլա ֆոն դեր Լայենը հաջորդ շաբաթ կայցելի Հայաստան և Ադրբեջան
Մենդելեևի աղյուսակ ու հաշվիչներ. ապագա բժիշկները քննություն են հանձնում քիմիա առարկայից
Լավ տղան ընտրակաշառք չի վերցնի․ Գեղամ Նազարյան
ԱԱ-2026-ի փլեյ-օֆֆի նախնական ցանցն ունի հետևյալ տեսքը