Բաղդադում Իրաքից ամերիկյան զորքերի դուրսբերման պահանջով բազմահազարանոց ցույցեր են անցկացվում
Բաղդադում Իրաքից ամերիկյան զորքերի դուրսբերման պահանջով բազմահազարանոց ցույցեր են անցկացվում: Ցույցերին մասնակցելու կոչ է արել շիաների ազդեցիկ քահանա Մուկտադա աս-Սադրը:
AFP-ի հաղորդմամբ՝ վաղ առավոտյան հազարավոր տղամարդիկ, կանայք եւ երեխաներ հավաքվել են Բաղդադի արեւելքում գտնվող Ջադիրիա շրջան: «Հեռացի՛ր, հեռացի՛ր, օկուպանտ»,- բղավում են ցույցի մասնակիցները: Մյուսները շարունակում են՝ «Այո ինքնիշխանությանը»:
Սադրի ներկայացուցիչը ամբիոնից կարդացել է շիաների ազդեցիկ քահանայի ուղերձը:
Նա արտասահմանյան բոլոր ուժերին կոչ է արել լքել Իրանը, չեղարկել ԱՄՆ-ի հետ անվտանգության մասին համաձայնագրերը, փակել Իրաքի օդային տարածքը ամերիկյան ռազմական ինքնաթիռների համար, իսկ ԱՄՆ նախագահ Դոնալդ Թրամփին կոչ արել «մեծամիտ» չլինել իրաքցի պաշտոնյաների հետ շփվելիս:
«Եթե այդ ամենն իրականացվի, մենք ԱՄՆ-ին չենք դիտարկի որպես օկուպանտ, հակառակ դեպքում ԱՄՆ-ին կհամարենք թշնամի երկիր»,- ասվում է հայտարարության մեջ:
Reuters-ի հաղորդմամբ՝ դեպի Կանաչ գոտի տանող ճանապարհներն ու կամուրջները, որտեղ գտնվում են Իրաքի կառավարության եւ մի քանի արտասահմանյան դիվանագիտական առաքելությունների նստավայրեր, ներառյալ՝ ԱՄՆ դեսպանատունը, փակված են բետոնե պատնեշներով:
Ալյասկայում Ուկրաինայի վերաբերյալ համաձայնություն չի եղել. Ռուբիո
Մերցը Մոսկվային կոչ է արել կանգ առնել շփման գծում և բանակցություններ սկսել Կիևի հետ
Կոտայքում սպասվող 7.4 մագնիտուդով երկրաշարժի մասին լուրը կեղծ է․ ՆԳՆ
«Ուժեղ Հայաստան»-ի պատգամավորի թեկնածուներից 2-ը կալանավորվել են, 4-ի նկատմամբ հայտարարվել է հետախու...
Նպատակը՝ տրանսֆերային արժեքը հնարավորինս նվազեցնելն է
Վրաստանը կշարունակի իր պրագմատիկ քաղաքականությունը Ռուսաստանի հետ
Ուրսուլա ֆոն դեր Լայենը հաջորդ շաբաթ կայցելի Հայաստան և Ադրբեջան
Մենդելեևի աղյուսակ ու հաշվիչներ. ապագա բժիշկները քննություն են հանձնում քիմիա առարկայից
Լավ տղան ընտրակաշառք չի վերցնի․ Գեղամ Նազարյան
ԱԱ-2026-ի փլեյ-օֆֆի նախնական ցանցն ունի հետևյալ տեսքը