Թրամփը կոչ է արել Իրանի առաջնորդներին «Իրանը կրկին հզոր դարձնել»

Միացյալ Նահանգների նախագահ Դոնալդ Թրամփն Իրանի առաջնորդներին կոչ է արել երկիրը չտանել քանդման, այլ կրկին «Իրանը հզոր դարձնել»: Այս մասին ԱՄՆ նախագահը պարսկերեն գրել է Twitter-ի իր էջում:

«Իրանի բարեպաշտ մարդիկ, որոնք սիրում են Ամերիկան, արժանի են կառավարության, որն ավելի շահագրգռված է օգնել նրանց իրենց երազանքներն իրականացնելու հարցում, ոչ թե հարգանք պահանջելու համար նրանց սպանելու հարցում: Իրանը քանդման տանելու փոխարեն Իրանի առաջնորդները պետք է հրաժարվեն ահաբեկչությունից և Իրանը նորից հզոր դարձնեն»,-գրել է ԱՄՆ նախագահը:

Այս հայտարարությունը նման է 2016 թվականի նախընտրական քարոշարշավի ժամանակ Թրամփի կարգախոսին` «Ամերիկան կրկին հզոր դարձնենք»:

Իրանի ու ԱՄՆ-ի միջև հարաբերությունները սրվել են այս տարվա սկզբին, երբ հունվարի 3-ին Բաղդադում սպանվեց Իրանի իսլամական հեղափոխության պահապանների կորպուսի գեներալ Ղասեմ Սոլեյմանին: Գեներալի սպանությունից հետո, Իրանի ԱԳՆ է կանչվել Շվեյցարիայի դեսպան Մարկուս Լեյթները, որը ներկայացնում է ԱՄՆ շահերը Թեհրանում:

Հունվարի 8-ին հրթիռակոծվել է Իրաքի արևմուտքում գտնվող ամերիկյան «Այն ալ-Ասադ» ռազմակայանը: Իրանի Իսլամական հեղափոխության պահապանների կորպուսը ստանձնել էր Իրաքում ամերիկյան ավիաբազային հասցված հրթիռային հարվածի պատասխանատվությունը:

مردم نجیب ایران، که آمریکا را دوست می دارند، سزاوار دولتی هستند که بیش از تمرکز بر کشتن آنها به جرم احترام خواهی، به آنها کمک کند تا به رؤیاهایشان دست یابند. رهبران ایران به جای آن که ایران را به سمت ویرانی بکشانند، باید هراس افکنی را کنار بنهند و ایران را دوباره باعظمت کنند! https://t.co/RLjGsC5WLc

— Donald J. Trump (@realDonaldTrump) January 17, 2020

Այս թեմայով ԱՄՆ-ը պատժամիջոցներ է սահմանել Իրանի հետ կապված ընկերությունների նկատմամբ Թրամփը չի խոչընդոտի Ֆրանսիային՝ Իրանին բժշկական նյութեր մատակարարելու հարցում. TACC Իրանի Ազգային անվտանգության բարձրագույն խորհրդի ղեկավարը հայտնել է, որ Թրամփը կորոնավիրուսից ավելի վտանգավոր է. Tasnim ԱՄՆ պատժամիջոցները «տնտեսական եւ բժշկական» ահաբեկչություն են Խամենեին մերժել է կորոնավիրուսի դեմ ԱՄՆ-ի առաջարկած օգնությունը