Իրանն ավելի մեծ ծավալով է ուրան հարստացնում, քան մինչեւ միջուկային գործարքի կնքումը. Ռոհանի
Իրանը ներկայում ավելի մեծ ծավալով ուրան է հարստացնում, քան մինչեւ 2015 թվականի միջուկային գործարքի կնքումը։ Այս մասին հինգշաբթի հայտարարել է հանրապետության նախագահ Հասան Ռոհանին, տեղեկացնում է ՏԱՍՍ-ը։
«Այսօր մենք ամեն օր ավելի շատ ուրան ենք հարստացնում, քան մինչեւ միջուկային գործարքի կնքումը»,- Ռոհանիին մեջբերում է ILNA գործակալությունը։
Նախագահի խոսքով՝ «Թեհրանը ճիշտ է վարվել, որ դուրս չի եկել Գործողությունների համատեղ եւ համապարփակ ծրագրից (ԳՀՀԾ)»։ «Եթե Իրանը դուրս գար, ապա մեր դեմ կվերադարձնեին ՄԱԿ պատժամիջոցները, եւ դրանով իսկ մենք կհեշտացնեինք ԱՄՆ նախագահ Դոնալդ Թրամփի խնդիրը»,- նշել է Ռոհանին։
ԳՀՀԾ ապագան հայտնվել է հարցականի տակ 2018 թվականի մայիսի 8-ին ԱՄՆ միակողմանի դուրս գալուց եւ Թեհրանի հանդեպ նավթի արտահանման ոլորտում Վաշինգտոնի՝ պատժամիջոցներ մտցնելուց հետո։ Իրանի վարկածով՝ մյուս մասնակիցները, առաջին հերթին՝ եվրոպացիները, լիովին չեն կատարում իրենց պարտավորությունները համաձայնագրի տնտեսական մասով, ուստի գործարքը ներկա տեսքով իմաստ չունի։ Դրա հետ կապված՝ Թեհրանը սկսել է ԳՀՀԾ-ի գծով իր պարտավորությունների փուլային դադարեցումը, որոնք վերաբերում են ուրանի հարստացմանը եւ հետազոտական գործունեությանը, իսկ հունվարի սկզբից հայտարարել է այդ գործընթացն ավարտելու մասին։
Ալյասկայում Ուկրաինայի վերաբերյալ համաձայնություն չի եղել. Ռուբիո
Մերցը Մոսկվային կոչ է արել կանգ առնել շփման գծում և բանակցություններ սկսել Կիևի հետ
Կոտայքում սպասվող 7.4 մագնիտուդով երկրաշարժի մասին լուրը կեղծ է․ ՆԳՆ
«Ուժեղ Հայաստան»-ի պատգամավորի թեկնածուներից 2-ը կալանավորվել են, 4-ի նկատմամբ հայտարարվել է հետախու...
Նպատակը՝ տրանսֆերային արժեքը հնարավորինս նվազեցնելն է
Վրաստանը կշարունակի իր պրագմատիկ քաղաքականությունը Ռուսաստանի հետ
Ուրսուլա ֆոն դեր Լայենը հաջորդ շաբաթ կայցելի Հայաստան և Ադրբեջան
Մենդելեևի աղյուսակ ու հաշվիչներ. ապագա բժիշկները քննություն են հանձնում քիմիա առարկայից
Լավ տղան ընտրակաշառք չի վերցնի․ Գեղամ Նազարյան
ԱԱ-2026-ի փլեյ-օֆֆի նախնական ցանցն ունի հետևյալ տեսքը