Զելենսկու օրոք Ուկրաինայում կարգավորման հարցում առաջընթացի հասնելու հույսերը պահպանվում են. Լավրով
Ուկրաինայի նախագահ Վլադիմիր Զելենսկու օրոք Դոնբասում հակամարտության կարգավորման հասնելու առաջընթացի հույսերը պահպանվում են։ Այս մասին ասել է Ռուսաստանի արտաքին գործերի նախարար Սերգեյ Լավրովը ՏԱՍՍ-ին տված տարվա ամփոփիչ հարցազրույցում։
«Ցավոք, հակամարտությունն Ուկրաինայի արեւելքում շարունակվում է»,- նշել է նախարարը։- Շփման գծում շարունակում են կրակել։ Շրջանի շրջափակումը հանված չէ»։
«Միեւնույն ժամանակ, կարգավորման հարցում առաջընթացի հասնելու հույսերը պահպանվում են,- նշել է Լավրովը։- Զելենսկին երկրի հարավ-արեւելքում պատերազմի շտապ դադարեցումն անվանում է իր նախագահության կարեւորագույն առաջնահերթություններից մեկը։ Հինգ ամսում նա կարողացել է անել այն, ինչ նրա նախորդը տարիներ շարունակ համառորեն հրաժարվում էր կատարել»։
Ինչպես հիշեցրել է նախարարը, «խոսքը կողմերի ուժերի եւ միջոցների բաժանման պարտավորությունների կատարման մասին է շփման գծի երեք «պիլոտային» շրջաններում, ինչպես նաեւ «Շտայնմայերի բանաձեւի» տեքստի գրավոր ամրագրման մասին, որով սահմանվում է մշտական հիմքով Դոնբասի հատուկ կարգավիճակի ուժի մեջ մտնելու կարգը»։
«Շնորհիվ դրա հնարավոր դարձավ Փարիզում դեկտեմբերի 9-ին «նորմանդական ձեւաչափի» հերթական գագաթաժողովի անցկացումը։ Դրա արդյունքները հայտնի են։ Առաջին հերթին, հաստատվեց միջոցառումների մինսկյան համալիրի անայլընտրանքայնությունը՝ որպես կարգավորման հիմքի, ինչպես նաեւ տրվեցին հանձնարարություններ Կոնտակտային խմբի համար։ Այժմ կարեւոր է ապահովել դրանց իրականացումը։ Բայց դա անելն այնքան էլ հեշտ չէ, ինչի մասին վկայում է կոնտակտային խմբի՝ դեկտեմբերի 18-ին կայացած նիստը,- փաստել է ՌԴ ԱԳՆ ղեկավարը։- Այնուամենայնիվ, մենք ավելի լավի հույս ունենք»։
Լավրովը միեւնույն ժամանակ ընդգծել է, որ կարգավորման հարցում առաջընթացի հասնելը հնարավոր է միայն հակամարտության կողմերի՝ Կիեւի, Դոնեցկի եւ Լուգանսկի միջեւ ուղղակի երկխոսության միջոցով։
«Մենք պատրաստ ենք ամեն կերպ աջակցել։ Ուկրաինայում ամուր խաղաղության հաստատումը համապատասխանում է մեր շահերին եւ դրական կանդրադառնա երկու երկրների հարաբերությունների վրա»,- ամփոփել է ՌԴ արտգործնախարարը։
Խորհրդարանը երկրորդ ընթերցմամբ քննարկեց հունվարի 27-ը Հիշատակի օր և ոչ աշխատանքային օր սահմանելու նա...
Զինծառայությունից կազատվեն այն ՀՀ քաղաքացիները, ովքեր թոփ 50 բուհերը ավարտելուց հետո առնվազն 3 տարի ...
Հունվարի 27-ը սահմանվել է որպես Հայրենիքի պաշտպանության համար զոհվածների հիշատակի օր
Ես ուրախ եմ տեսնել հայ գերիների ազատ արձակումը
Ինչու են նոր մոդելները թանկանում, իսկ միլենիալները վազում վինտաժի հետևից
Ո՞ւմ է ուզում ԱԺ նախագահ դարձնել Փաշինյանը
Ինքնակամ կառույցները հնարավոր կլինի օրինականացնել․ հաշվառման կարգն ուժի մեջ կմտնի հունվարի 20-ից
Եղեգնաձորի համայնքային ոստիկանները հայտնաբերեցին ծանր մարմնական վնասվածք պատճառած հետախուզվողին
Տոկաևը ընդունել է Թրամփի հրավերը՝ միանալու Գազայի «Խաղաղության խորհրդին»
ՀՀ ԱԺ ութերորդ գումարման տասնմեկերորդ նստաշրջանի հերթական նիստ