Լուկաշենկոն կցանկանար հանդիպել Պուտինին «մի բաժակ օղու» շուրջ
Բելառուսի նախագահ Ալեքսանդր Լուկաշենկոն դժգոհել է, թե իր ռուս պաշտոնակից Վլադիմիր Պուտինի հետ ստիպված է Նոր տարվա շեմին լուծել երկրների միջեւ տնտեսական վեճերը, այլ ոչ թե հանդիպել ընկերաբար, մի բաժակ օղու շուրջ։
«Ո՞րն է իմ քմահաճույքը։ Այն, որ այսօր անգամ չեմ էլ սակարկում, բանակցություննե՞ր եմ վարում... Իմ պատճառով չէ, որ դուք նախագահների մակարդակի եք բարձրացրել այս հարցերը։ Ես հաճախ քննադատել եմ Ռուսաստանի կառավարությունը. դուք այդ հարցերը մղում եք նախագահների մակարդակի, եւ մենք Նոր տարուց առաջ, փոխանակ հանդիպենք իմ լավ բարեկամ Վլադիմիր Վլադիմիրովիչ Պուտինի հետ, մի բաժակ օղի կամ ինքնաթոր օղի վերցնենք, ես կբերեմ Բելովեժյան անտառից, խմենք ու միմյանց ձեռք սեղմենք, սկսում ենք միմյանց հայհոյել։ Այ, սա իմ կյանքն է այսօր»,- ասել է Լուկաշենկոն «Էխո Մոսկվի» ռադիոկայանի հարցազրույցում։
Միեւնույն ժամանակ, Լուկաշենկոն վրդովվել է, թե «ինչպես կարելի է տնտեսություն կազմակերպել, եթե մեզ ասում են՝ հազար խորանարդ մետր գազի գինը պետք է լինի 152 դոլար»։ Գազի գինը Բելառուսի համար 2019 թվականին ամրագրված է՝ 127 դոլար հազար խորանարդ մետրի համար սահմանին։
Մեկնաբանելով բելառուսա-ռուսական վերջին բանակցությունների արդյունքներով ձեռք բերված պայմանավորվածությունները՝ Լուկաշենկոն ասել է, որ կոնկրետ թվեր եւ պայմանագրեր առայժմ չկան։ «Դրանք պետք է լինեն։ Ես հույս ունեմ, կլինեն։ Թեեւ նորից կառավարությունից (Ռուսաստանի- խմբ.) ինչ-որ ազդանշաններ են գալիս»,- ավելացրել է նա։
Ընդհանուր առմամբ, Լուկաշենկոն ասել է, որ միություն ստեղծելիս պայմանները նրա մասնակիցներից մեկի համար չպետք է վատանան։ «Եվ ահա, եթե ինչ-որ մեկն այդ միություն է մտնում, նա, ինչ է, մտնում է հանուն այն բանի, որ ավելի վա՞տ լինի։ Ոչ։ Իսկ մեզ մոտ մեր միութենական ԵՏՄ-ական շինարարության ինչ-որ պահից ամեն ինչ սկսեց ներքեւ ընթանալ։ Տարեցտարի... Եվ այն ժամանակներից, երբ Վլադիմիր Վլադիմիրովիչի շուրջ ծլեցին պրագմատիկներ, շուկայականներ, նրանք ասում էին՝ կապրենք առանց ձեզ, Բելառուսը մեզ պետք չէ, կամաց-կամաց կճզմենք նրան, նրանց տնտեսությունը լավն է, եկեք էներգակիրների գները բարձրացնենք, ու այսպես շարունակ»,- վրդովվել է Բելառուսի նախագահը։
Ալյասկայում Ուկրաինայի վերաբերյալ համաձայնություն չի եղել. Ռուբիո
Մերցը Մոսկվային կոչ է արել կանգ առնել շփման գծում և բանակցություններ սկսել Կիևի հետ
Կոտայքում սպասվող 7.4 մագնիտուդով երկրաշարժի մասին լուրը կեղծ է․ ՆԳՆ
«Ուժեղ Հայաստան»-ի պատգամավորի թեկնածուներից 2-ը կալանավորվել են, 4-ի նկատմամբ հայտարարվել է հետախու...
Վրաստանը կշարունակի իր պրագմատիկ քաղաքականությունը Ռուսաստանի հետ
Նպատակը՝ տրանսֆերային արժեքը հնարավորինս նվազեցնելն է
Ուրսուլա ֆոն դեր Լայենը հաջորդ շաբաթ կայցելի Հայաստան և Ադրբեջան
Մենդելեևի աղյուսակ ու հաշվիչներ. ապագա բժիշկները քննություն են հանձնում քիմիա առարկայից
Լավ տղան ընտրակաշառք չի վերցնի․ Գեղամ Նազարյան
ԱԱ-2026-ի փլեյ-օֆֆի նախնական ցանցն ունի հետևյալ տեսքը