95 միլիոն դոլար. Պենտագոնը թուրքական «Ինջիրլիք» ավիաբազայում շինարարական աշխատանքներ կատարելու մասին պայմանագիր է կնքել
Պենտագոնը մի քանի թուրքական ընկերությունների հետ պայմանագիր է կնքել՝ Ադանայի նահանգում գտնվող «Ինջիրլիք» ավիաբազայում շինարարական աշխատանքներ կատարելու համար: Այս մասին տեղեկացնում է РИА Новости-ն:
Պայմանագրի արժեքը 95 միլիոն դոլար է: Սպասվում է, որ աշխատանքները կավարտվեն 2024 թվականի վերջին:
«Թուրքական 8 ընկերությունների հետ կնքվել է պայմանագիր՝ 95 միլիոն դոլար արժողությամբ»,-ասված է Պենտագոնի հաղորդագրության մեջ:
Թուրքիայի հարավում գտնվող Ադանայի նահանգի «Ինջիրլիք» ավիաբազան շահագործվում է ամերիկյան զինված ուժերի կողմից: Ամերիկյան զինված ուժերն ապահովում են հրթիռային հարձակման մասին նախազգուշացման ռադիոտեղորոշիչ կայանի աշխատանքը, որը տեղակայված է Թուրքիայի հարավ-արևելքում գտնվող Մալաթիա նահանգի Քյուրեջիք շրջանում և Եվրոպայում ՆԱՏՕ-ի հակահրթիռային պաշտպանության համակարգի մաս է հանդիսանում:
Ավելի վաղ Թուրքիայի նախագահ Ռեջեփ Թայիփ էրդողանը հայտարարել էր, որ Անկարան հնարավոր է փակի ամերիկացիների համար «Ինջիրլիք» և «Քյուրեջիք» ռազմաբազաները՝ որպես պատասխան ԱՄՆ-ի պատժամիջոցներին, իսկ Թուրքիայի խորհրդարանը հնարավոր է ընդունի հնդկացիների ցեղասպանության մասին բանաձև՝ ի պատասխան ԱՄՆ Սենատի կողմից Հայոց ցեղասպանության ճանաչման:
Ալյասկայում Ուկրաինայի վերաբերյալ համաձայնություն չի եղել. Ռուբիո
Մերցը Մոսկվային կոչ է արել կանգ առնել շփման գծում և բանակցություններ սկսել Կիևի հետ
Կոտայքում սպասվող 7.4 մագնիտուդով երկրաշարժի մասին լուրը կեղծ է․ ՆԳՆ
«Ուժեղ Հայաստան»-ի պատգամավորի թեկնածուներից 2-ը կալանավորվել են, 4-ի նկատմամբ հայտարարվել է հետախու...
Վրաստանը կշարունակի իր պրագմատիկ քաղաքականությունը Ռուսաստանի հետ
Նպատակը՝ տրանսֆերային արժեքը հնարավորինս նվազեցնելն է
Ուրսուլա ֆոն դեր Լայենը հաջորդ շաբաթ կայցելի Հայաստան և Ադրբեջան
Մենդելեևի աղյուսակ ու հաշվիչներ. ապագա բժիշկները քննություն են հանձնում քիմիա առարկայից
Լավ տղան ընտրակաշառք չի վերցնի․ Գեղամ Նազարյան
ԱԱ-2026-ի փլեյ-օֆֆի նախնական ցանցն ունի հետևյալ տեսքը