Արգենտինայում գիրք գողացած Մեքսիկայի դեսպանն ազատվել է

Մեքսիկայի ԱԳ նախարար Մարսելո Էբրարդը հայտնել է, որ Արգենտինայում Մեքսիկայի դեսպան 76-ամյա Օսկար Ռիկարդո Վալերո Ռեսիո Բեսերան, որը բռվել էր գրախանութից Կազանովայի կենսագրական գիրքը գողանալիս, ազատվել է առողջական վիճակի պատճառով եւ նյարդաբանական բուժում է ստանում, փոխանցում է «ՌԻԱ Նովոստի»-ն:

«Ռիկարդո Վալերոն մեծ անձնավորություն է, նա պետք է նյարդաբանական բուժում ստանա: Մաղթում եմ շուտափույթ ապաքինում»,- Twitter-ում նշել է Էբրարդը:

Դեկտեմբերի սկզբին դեսպանին անվտանգության աշխատակիցը բռնել էր գրախանութից 10 դոլարից պակաս արժողության Ջակոմո Կազանովայի կենսագրական գիրքը դուրս բերելու փորձ կատարելիս: Պատմությունը հայտնվել էր տեղական լրատվամիջոցներում, որոնք ցուցադրել էին տեսահսկման խցիկներով նկարահանված միջադեպի տեսագրությունը:

Էբրարդը Վալերոյին հետ էր կանչել Մեքսիկա, որից հետո հայտնի էին դարձել տարեց դիվանագետի առողջական վիճակի մանրամասները:

Նրան բուժող բժշկի եզրակացության համաձայն, որը լրատվամիջոցները հրապարակել են, Վալերոն 2012 թվականին գլխուղեղի վիրահատության է ենթարկվել, որից հետո վստահաբար ցուցադրել է ուղեղի ակտիվության վերականգնում եւ կատարել բարդ սոցիալական եւ վերլուծական գործառույթներ, սակայն տեղի ունեցածի լույսի ներքո անհրաժեշտ է «ներյրովիզուալիզացիայի եւ կոգնիտիվ գնահատականների հետազոտությունների համալիր վերագնահատում»: Բժիշկը կասկածում է, որ վերջերս կարող էին տեղի ունեցած լինել «ուղեղի կառուցվածքի եւ ֆունկցիոնլ փոփոխություններ»:

Վալերոյին մեքսիկայում դեսպանի նշանակում են կատարել 2019 թվականի մարտին: Նա 2001-2004 թվականներին եղել է Չիլիում Մեքսիկայի դեսպանը: