Ֆրանսիայում շարունակվում է տրանսպորտի աշխատակիցների զանգվածային գործադուլը
Ֆրանսիայում շարունակվում է տրանսպորտի ոլորտի զանգվածային գործադուլն ընդդեմ կենսաթոշակային բարեփոխումների:
Սուրբ Ծննդյան տոներին ընդառաջ՝ հազարավոր զբոսաշրջիկներ հայտնվել են անորոշության մեջ՝ տասնյակ գնացքներ տեղից չեն շարժվում, Փարիզում մետրոպոլիտենի որոշ կայարաններ փակ են, մայրուղիները՝ խցանված:
Օրեր առաջ վարչապետ Էդուար Ֆիլիպը հորդորել էր դադարեցնել գործադուլը, որպեսզի «միլիոնավոր ֆրանսիացիները կարողանան ընտանիքների հետ նշել Ամանորն ու Սուրբ Ծնունդը»: Արհմիություններից մեկը համաձայնել էր, առավել ծայրահեղ դիրքորոշում ունեցող երկու կազմակերպություններ, սակայն, պնդել էին՝ չեն դադարեցնի պայքարը, քանի դեռ «կառավարությունը վերջնականապես չի հրաժարվել իր սխալ որոշումից»:
Զանգվածային ցույցերը սկիզբ են առել դեկտեմբերի 5-ին՝ նախագահ Էմանյուել Մակրոնի կողմից փոփոխությունների առաջարկումից հետո, որոնք համահարթեցնում և թոշակի անցնելու հավասար պայմաններ են ապահովում բոլոր ֆրանսիացիների համար: Գործող օրենսդրությամբ, մինչդեռ, տրանսպորտի ոլորտի աշխատակիցներն օգտվում են լայն արտոնություններից և կենսաթոշակի կարող են անցնել 50 տարեկանից արդեն:
1995 թվականին ևս Ֆրանսիայի կառավարությունը փորձել էր կենսաթոշակային բարեփոխումներ մտցնել, սակայն հրաժարվել էր այդ գաղափարից՝ տարեվերջին երկաթուղայինների և վարորդների համատարած գործադուլից հետո:
Ալյասկայում Ուկրաինայի վերաբերյալ համաձայնություն չի եղել. Ռուբիո
Մերցը Մոսկվային կոչ է արել կանգ առնել շփման գծում և բանակցություններ սկսել Կիևի հետ
Կոտայքում սպասվող 7.4 մագնիտուդով երկրաշարժի մասին լուրը կեղծ է․ ՆԳՆ
«Ուժեղ Հայաստան»-ի պատգամավորի թեկնածուներից 2-ը կալանավորվել են, 4-ի նկատմամբ հայտարարվել է հետախու...
Վրաստանը կշարունակի իր պրագմատիկ քաղաքականությունը Ռուսաստանի հետ
Նպատակը՝ տրանսֆերային արժեքը հնարավորինս նվազեցնելն է
Ուրսուլա ֆոն դեր Լայենը հաջորդ շաբաթ կայցելի Հայաստան և Ադրբեջան
Մենդելեևի աղյուսակ ու հաշվիչներ. ապագա բժիշկները քննություն են հանձնում քիմիա առարկայից
Լավ տղան ընտրակաշառք չի վերցնի․ Գեղամ Նազարյան
ԱԱ-2026-ի փլեյ-օֆֆի նախնական ցանցն ունի հետևյալ տեսքը