Դատարանը Ֆիլիպ Կիրկորովին պարտավորեցրել է 651 000 եվրո վճարել լատվիական բանկին
Մոսկվայի Տագանսկի շրջանի դատարանը մասամբ բավարարել է լատվիական ABLV բանկի ներկայացրած քաղաքացիական հայցը, որը պահանջում էր ռուսական էստրադայի աստղ Ֆիլիպ Կիրկորովից գանձել մոտ 4 մլն եվրո՝ հիփոթեքային վարկի համար, ներառյալ՝ տուգանքը, տոկոսները և այլն: Այժմ արտիստը բանկի օգտին պետք է վճարի 651 000 եվրո գումար: Այդ մասին ТАСС գործակալությանը հայտնել է արտիստի փաստաբան Ալեքսանդր Դոբրովինսկին:
Փաստաբանի խոսքով` բանկը հիփոթեքային վարկի համար Կիրկորովից տուգանքն ու տոկոսները ներառյալ 3,9 միլիոնի եվրոյի չափով գումար է պահանջել:
«Որոշումը կայացվել է. 651 հազար եվրո` 4 միլիոն եվրոյի փոխարեն` չհաշված մոտ 20 000 եվրոյի չափով տոկոսները»,- մանրամասնել է պաշտպանը:
Դոբրովինսկին հավելել է, որ երգչի փաստաբանները բանկին համաձայնության առաջարկ են արել, սակայն վերջինս հրաժարվել է:
Ֆիլիպ Կիրկորովի դեմ հայցը ներկայացվել էր սեպտեմբերին: Այդ ժամանակ աստղի փաստաբանը հայտնել էր, որ երգչի դեմ դատական հայց ներկայացրած բանկը փակվել է մոտ 1,5 տարի առաջ և «հիմա ինչ-որ անհեթեթ բաներից է խոսում»:
Քարից մինչև արձան. Գիտնականները առաջին անգամ ցույց են տվել Զատկի կղզում մոայիի ստեղծումը
Զորականում ուսանողին ծեծի ենթարկած դեռահասներն ազատության մեջ են
Մայր Աթոռի հայտարարությունը
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
54-ամյա Քրիստինա Օրբակայտեն լողազգեստով ցուցադրել է կազմվածքը
Հայտնի է երկրի ամենախիտ բնակեցված քաղաքը
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան
Քեյթ Միդլթոնը բացահայտել է իր արտաքինի մասին զարմանալի գաղտնիք
«Միսս Անգլիա» մրցույթում առաջին բացահայտ նույնասեռական հաղթողը պատմել է, որ իրեն «ծաղրել են» իր սեռա...
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին