Լրագրողները վիճարկեցին ամենաուժեղ լրագրող շախմատիստի կոչումը (Լուսանկարներ)

Այսօր Տիգրան Պետրոսյանի անվան շախմատի տանն անցկացվեց լրատվամիջոցների ներկայացուցիչների միջեւ շախմատի 5-րդ մրցաշարը՝  Արտասահմանյան թղթակիցների ասոցիացիայի, Երեւանի շախմատի ֆեդերացիայի եւ ID բանկի համագործակցությամբ: 

Մրցաշարի բացման արարողությունից հետո տեղի ունեցավ վճակահանությունը եւ լրագրողները հետաքրքիր եւ լարված պայքարում սկսեցին որոշել, թե ո՞վ է ամենաուժեղ լրագրող շախմատիստը: 

Մասնակիցների թվում էին տարբեր ԶԼՄ-ներ ներկայացնող 15 լրագրողներ, այդ թվում նաեւ Top-News.am-ի ներկայացուցիչը` գլխավոր խմբագիր Գեղամ Նազարյանը, որը բավական խաղաղասիրաբար էր տրամադրվել եւ դարձավ ամենաշատ ոչ-ոքի խաղացած մասնակիցը:

Մրցաշարն անցկացվեց ՖԻԴԵ-ի արագ շախմատի կանոններով, շվեյցարական մրցակարգով, 7 խաղափուլով: Մրցաշարի գլխավոր մրցավարն էր Երեւանի շախմատի ֆեդերացիայի փոխնախագահ, միջազգային մրցավար Նորայր Քալանթարյանը։

Վերջապես յոթ տուրերի ավարտից հետո պարզ դարձավ, որ ամենաուժեղ լրագրող շախմատիստը լեգենդար ֆուտբոլային մեկնաբան Սուրեն Բաղդասարյանն է, որը յոթ խաղում տարավ վեց հաղթանակ եւ նվաճեց հաղթողի կոչումը:

Մրցանակային երկորրդ հորիզոնականը 7-ից 5,5 միավորով գրավեց Արա Մովիսյանը («02» շաբաթաթերթի խմբագիր), իսկ մրցանակային եռյակը եզրափակեց նախորդ չորս մրցաշարերի հաղթող Վադիմ Մկրտչյանը («Գոլոս Արմենիի» թերթի սպորտային թղթակից):

Հատուկ անվանակարգերում միցանակներ ստացան․

• Ռուբեն Մարգարյանը` «Գոլոս Արմենիի» թերթի թղթակից - 4-րդ տեղը գրավելու համար
• Մարիամ Մարգարյանը` Journalist.am կայքի լրագրող - ամենագեղեցիկ հաղթանակի համար
• Ռոբերտ Նազարյանը Razminfo.am կայքի լրագրող - ամենաարագ հաղթանակի համար
• Արթուր Բունիաթյանը «Ասպետ» թերթի խմբագիր – որպես ամենատարեց մասնակից

Մրցանակաբաշխությանը հաղթողներին մրցանակներ հանձնեց գրոսմայստեր, Երեւանի շախմատի ֆեդերացիայի փոխնախագահ Զավեն Անդրիասյանը:

Մրցաշարի ամփոփիչ աղյուսակը.

 1  Բաղդասարյան Սուրեն   “Ֆուտբոլ+”           6,0 26,0 28,5 3
 2  Մովսիսյան Արա             «02»                      5,0 27,5 30,5 4
 3  Մկրտչյան Վադիմ           “Գոլոս Արմենիի”   5,0 24,5 26,0 3
 4  Մարգարյան Ռուբեն       “Գոլոս Արմենիի”   4,5 27,5 30,0 4
 5  Բունիաթյան Արթուր      “Ասպետ”               4,5 25,0 26,5 3
 6  Նալբանդյան Արա          24news.am             4,0 27,5 30,0 3
 7  Նազարյան Ռոբերտ        razminfo.am           4,0 22,0 23,5 4
 8  Մարգարյան Մարիամ     Journalist.am           3,5 21,5 23,0 3
 9  Նազարյան Գեղամ          top-news.am           3,5 20,5 22,0 3
10  Հովհաննիսյան Հայկ      sport.times.am         3,5 18,5 20,0 3
11  Շաքարյանց Սերգեյ       “Իրատես”               3,0 24,0 26,0 3
12  Հովհաննիսյան Տիգրան 1in.am                     3,0 17,5 19,0 3
13  Բադալյան Հակոբ          lragir.am                   2,5 15,0 16,5 3
14  Մհերյան Բաղդասար     Արմնյուս                  2,0 21,5 23,5 4
15  Խաչատրյան Գևորգ      “Պատրիոտ”             2,0 19,5 21,0 3

Top-News.am