«Վա՞տ ես լսում». Ուկրաինայի խանութներից մեկում Զելենսկու մեջբերումներով գուլպաներ են վաճառում

Ուկրաինայի Ժիտոմիր քաղաքի խանութներից մեկում նախագահ Զելենսկու խոսքերից մեջբերված գրություններով գուլպաներ են վաճառվում, գրում է zhitomir-online.com-ը։

Օրինակ՝ խանութում ներկայացված են կանաչ գուլպաներ «Կորի՛ր այստեղից, ավազակ» («Вийди отсюда, розбійник») կամ «Վա՞տ ես լսում» («Плохо чуєш мене?») գրություններով։

Այս արտահայտություններով Զելենսկին ժամանակին դիմել է Բորիսպոլի քաղաքային խորհրդի քարտուղար Յարոսլավ Գոդունոկին։

Նշվում է, որ գուլպաները թողարկվել են տեղական արտադրողի կողմից։ Յուրաքանչյուր խմբաքանակը ներառում է մոտ 50 զույգ գուլպա։ Պարզվում է՝ գուլպաները խանութում վաճառվում են արդեն մեկ ամիս։ Խանութի սեփականատերերը հայտնել են, որ այս խմբաքանակը վաճառելուց հետո պատրաստ են պատվիրել ևս մեկը։