«Մի՛ հավատացեք այն ամենին, ինչ տեսնում եք սոցիալական ցանցերում». Բելլա Հադիդը խորհուրդներ է տվել ընկճախտ ունեցողներին

Հանրահայտ սուպերմոդել Բելլա Հադիդը պատմել է, թե ինչպես է պայքարել ընկճախտի դեմ, երբ նոր է սկսել մոդելային կարիերան, գրում է Mirror-ը։

Հադիդը խոստովանել է, որ նյարդերը գերլարված են եղել, լացել է ամեն առավոտ, լանչի ժամանակ և քնից առաջ՝ երկար աշխատանքային օրվանից հետո։

«Երբ 18 տարեկան էի, աշխատում էի օրը 14 ժամ և գերհոգնածություն էի զգում։ Ինձ դադար էր պետք»,- ասել է Հադիդն ու խորհուրդներ է տվել բոլոր նրանց, ովքեր ընկճախտ ունեն։

«Մի՛ հավատացեք այն ամենին, ինչ տեսնում եք սոցիալական ցանցերում։ Երջանկության այն պատկերը, որ ստեղծում ենք վիրտուալ տիրույթում, ոչինչ չարժե, եթե ինքներս դժբախտ ենք։ Եթե չեք ուզում առավոտյան վեր կենալ, վեր մի՛ կացեք, եթե ցանկանում եք հետաձգել պլանները, հետաձգե՛ք դրանք։ Ինքներդ ձեր և ձեր ռեսուրսների հանդեպ խնայող և հոգատար եղե՛ք։ Եթե կարծում եք, որ աշխարհը փուլ է գալիս, օգնությու՛ն խնդրեք»,- ասել է մոդելը։