Գիրացած Ագիլերան երկրպագուներին զարմացրել է համերգային մերկ զգեստներով

Քրիստինա Ագիլերան իր նոր համերգային ծրագրով մեկնել է համաշխարհային շրջագայության։ Օրերս նա Դուբլինում էր։ Համաշխարհային ճանաչում ունեցող երգչուհու համերգին անշլագ էր։ Արտիստուհին ներկայացել է վառ բեմական կերպարներով։

Երեկոյի ամենաանսովոր զգեստը թափանցիկ ներդիրներով զգեստն էր, որը մերկացրել էր երգչուհու կուրծքը։ Քրիստինան կրում էր թափանցիկ բոդի եւ մինի կիսատաբատ, որոնք զարդարված են փայլուն շլեյֆով: Արտիստուհու վարսերը բարձր պոչ էին հավաքված եւ վառ դիմահարդարմամբ էր։ Կերպարն ամբողջացրել են արծաթափայլ բարձրակրունկները։

Երգչուհին համերգի ժամանակ անկաշկանդ է եղել եւ չի ամաչել իր շքեղ բարեմասնությունները ցուցադրել երկրպագուներին։ Համերգի հանդիսատես նշել էր, որ Ագիլերան մնում է հավատարիմ իր «վայրի» ոճին եւ շարունակում է նախապատվությունը տալ սեքսուալ հանդերձանքներին։

«Ինձ դուր է գալիս, որ Քրիստինա ընդհանրապես չի բարդույթավորվում», «Վառ հանդերձանք, ինչպես հարգին է արտիստուհուն», «Նա կարողանում է ընդգծել իր կազմվածքը։ Ինձ թվում է՝ բեմի համար նա շքեղ տեսք ունի», «Վստահ եմ, որ նրա համար վաղուց միեւնույն է, թե ինչ են մտածում շրջապատողները։ Այդ խիզախության համար էլ մենք նրան սիրում ենք», - մեկնաբանել են երկրպագուները ։