Օրական 3 ժամից ավելի սոցցանցերում անցկացնող դեռահասները կարող են հոգեկան խնդիրներ ունենալ
Դեռահասները, որոնք սոցցանցերում օրական ավելի քան երեք ժամ են անցկացնում, ենթակա են հոգեկան առողջության խնդիրների աաջացման ավելի մեծ ռիսկի։ Այսպիսին են Մերիլենդի Ջոն Հոփկինսի անվան հանրային առողջապահության դպրոցի գիտնականների նոր հետազոտության եզրակացությունները, որը հրապարակվել է JAMA Psychiatry ամսագրում։
Հետազոտությանը մասնակցել է 12-15 տարեկան 6595 երիտասարդ ԱՄՆ-ում։ Պարզվել է, որ նրանք, ովքեր ավելի շատ են օգտվել սոցցանցերից, ավելի հաճախ են տեղեկացրել այնպիսի խնդիրների մասին, ինչպես դեպրեսիան, անհանգստությունն ու միայնությունը, ինչպես նաեւ ագրեսիան եւ հակահասարակական վարքագիծը, քան այն դեռահասները, որոնք սոցցանցերից չեն օգտվել։
Լոնդոնի Թագավորական քոլեջի (KCL) ավագ կլինիկական դասախոս, հոգեբույժ-խորհրդական, դոկտոր Ռինա Դաթան նշել է, որ այս հետազոտության հիմնական ուժը նախորդ հետազոտությունների համեմատ այն է, որ հետազոտողները հաշվի են առել հոգեկան առողջության խնդիրները, որոնք երիտասարդների մոտ հայտնաբերվել են սոցցանցերից օգտվելուց մեկ տարի առաջ։
Նա նշել է, որ անհրաժեշտ են լրացուցիչ հետազոտություններ, այդ թվում՝ օրվա ո՞ր ժամին են մարդիկ օգտագործում սոցիալական ցանցերը։
Հետազոտությունում դիտարկվել են վարքի երկու տեսակներ, որոնք կարող են մատնանշել հոգեկան առողջության խնդիրների մասին՝ ինտերնալիզացիան եւ էքստերնալիզացիան։
Ինտերնալիզացիան կարող է ներառել սոցիալական մեկուսացում կամ դժվարություններ տագնապը կամ դեպրեսիան հաղթահարելիս։ Էքստերնալիզացիան՝ ագրեսիա կամ անհնազանդություն։
Հետազոտությունը ցույց է տվել, որ դեռահասները, որոնք օրական սոցցանցերում անցկացրել են 3-6 ժամ, 60 տոկոսով ավելի շատ են ենթակա բախվելու ինտերնալիզացիայի խնդիրներին։
Հետազոտության առաջատար մասնագետ Կիրա Ռիմը կարծում է, որ առկա շատ հետազոտություններում նշվել է թվային կամ սոցիալական ցանցերի օգտագործման եւ դեռահասների առողջության միջեւ կապի մասին, բայց միայն քչերն են ժամանակի ընթացքում ուշադրություն դարձնում այդ կապին։
«Մենք չենք կարող գալ եզրահանգման, որ սոցիալական ցանցերն առաջ են բերում հոգեկան առողջության խնդիրներ, բայց կարծում ենք, որ ավելի լավ կլինի, եթե դեռահասներն ավելի քիչ ժամանակ անցկացնեն սոցցանցերում»։
Հետազոտությունը ցույց է տվել, որ դեռահասների մոտ 17 տոկոսը չի օգտվում սոցիալական ցանցերից։ Իսկ օգտվողների 32 տոկոսը օրական 30 րոպե է անցկացրել սոցցանցերում, 31 տոկոսը՝ 30-ից մինչեւ երեք ժամ, 12 տոկոսը՝ 3-6 ժամ, 8 տոկոսը՝ օրական վեց ժամից ավելի։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները