Սեւ անցքի լուսանկարի հեղինակները 3 մլն դոլար ստացան

Event Horizon Telescope (EHT) նախագծի գիտնականները, որոնք աշխարհին են ներկայացրել սեւ անցքի ստվերի՝ պատմության մեջ առաջին լուսանկարը, շահել են հեղինակավոր եւ գիտական աշխարհում, հիմնարար ֆիզիկայի ոլորտում ամենաթանկ մրցանակը՝ Breakthrough Prize-ը, տեղեկացվում է մրցանակի կազմակերպիչների կայքում, հաղորդում է ՌԻԱ «Նովոստի»-ն։

Event Horizon Telescope նախագիծը ապրիլին հրապարակել է սեւ անցքի ստվերի առաջին լուսանկարը, որն ստացվել է ռադիոհեռադիտակների ցանցի օգնությամբ։ Դրանք օբյեկտի դիտարկումներն սկսել էին М87 գալակտիկայի կենտրոնում 2017-ի ապրիլին։

Մրցանակը դրամական արտահայտությամբ կազմում է 3 մլն դոլար, այն հավասար կկիսվի նախագծի 347 մասնակիցների միջեւ։