Գաել Անդոնյանը՝ «Այաչո» տեղափոխվելու եւ Հայաստանի հավաքականի մասին
Հայաստանի հավաքականի պաշտպան Գաել Անդոնյանն այս ամռանը համալրել է «Այաչոն», որը հանդես է գալիս Ֆրանսիայի երկրորդ լիգայում։
NEWS.am Sport-ի թղթակցի հետ զրույցում 24-ամյա ֆուտբոլիստը պատմել է տեղափոխության, սպասումների, անգլիական «Սանդերլենդ» ձախողված տրանսֆերի, ուսի վնասվածքից հետո ապաքինման եւ Հայաստանի հավաքականում դարձյալ հանդես գալու ցանկության մասին։
«Գերազանց եմ ինձ զգում նոր ակումբում։ Շատ եմ ցանկանում օգնել «Այաչոյին» եւ արդարացնել մարզչական շտաբի վստահությունը։
Անցած ամռանը մոտ էի անգլիական «Սանդերլենդի» հետ պայմանագիր կնքելուն, անցկացրի մի քանի հանդիպում մինչեւ 23 տարեկանների թիմում։ Սակայն տեղափոխությունը տեղի չունեցավ, քանի որ «Սանդերլենդին» արգելեցին գրանցել նոր խաղացողների։ Դրանից հետո չունեցա հետաքրքիր առաջարկներ։
Ամբողջ տարվա ընթացքում լավ մարզվել եմ եւ գտնվում եմ նորմալ մարզավիճակում։ Ափսոս, որ երկու շաբաթ առաջ ուսի վնասվածք ստացա եւ վիրահատվեցի։ Մեկ ամիս էլ կպահանջվի վերականգնվելու համար։ Դրանից հետո ցանկանում եմ շատ խաղալ։
Հետեւել եմ Հայաստանի հավաքականի հանդիպումներին։ Հունաստանում հասանք գերազանց արդյունքի։ Մեր հավաքականում խաղում են բարձրակարգ ֆուտբոլիստներ եւ կարող են հասնել հաջողությունների։
Մեծ հույս ունեմ, որ կստանամ հրավեր հավաքականից, երբ պատրաստ լինեմ։ Ինձ համար մեծ պատիվ է ներկայացնել Հայաստանի ազգային թիմը»,- ասաց Գաել Անդոնյանը։
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Եվրամիությունը չի հասկանում Իրանում պատերազմի նպատակները. Կալաս
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Մադելին Շարաֆյանը «Օսկար»-ի մրցանակաբաշխությանը ներկայացել է հայ դիզայների զգեստով