Երկու տարբեր խաղակես. Արարատ-Արմենիան ցավալի պարտություն կրեց (տեսնայութ)
Հայաստանի չեմպիոն «Արարատ-Արմենիան» Եվրոպա լիգայի որակավորման երրորդ փուլի առաջին խաղում տանը պարտվեց վրացական «Սաբուրթալոյին»:
Խաղը կայացավ Վազգեն Սարգսյանի անվան «Հանրապետական» ստադիոնում:
Հանդիպումն անցավ երկու տարբեր խաղակեսերով: Առաջին կեսում ավելի ակտիվ ու վտանգավոր էին գրոհում Վարդան Մինասյանի ֆուտբոլիստները:
Երևանյան թիմի կազմում շատ ակտիվ էր Ֆուրջել Նարսինգը, որը մի քանի անգամ լուրջ սպառնալիք ստեղծեց մրցակցի դարպասի մոտ: Դրվագներից մեկում էլ Անտոն Կոբյալկոն շեղ հարվածեց:
Մի քանի րոպե անց, սակայն, ռուս հարձակվողն օգտվեց իր հնարավորությունից: 31-րդ րոպեին Կոբյալկոն բացեց հանդիպման հաշիվը:
Երկրորդ խաղակեսում պատկերն ամբողջովին փոխվեց: Վրացական թիմը շատ ակտիվ սկսեց գործել: Անընդհատ գրոհները տվեցին իրենց ցանկալի արդյունքը:
72-րդ րոպեին աջ եզրից կատարած փոխանցումից հետո գոլի հեղինակ դարձավ ու հաշիվը հավասարեցրեց Ալտունաշվիլին:
Մի քանի րոպե անց Կենիան խփեց նաև երկրորդ գոլը ու հաշիվը դարձրեց 2-1:
Այսպիսով, «Սաբուրթալոն» 2-1 հաշվով հաղթում է երևանյան խաղում ու պատասխան խաղից առաջ լուրջ առավելություն ստանում: Թիմերի միջև երկրորդ խաղը կկայանա օգոստոսի 14-ին:
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Եվրամիությունը չի հասկանում Իրանում պատերազմի նպատակները. Կալաս
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Մադելին Շարաֆյանը «Օսկար»-ի մրցանակաբաշխությանը ներկայացել է հայ դիզայների զգեստով
Ղարաբաղից տեղահանվածները պետք է կապեն իրենց ապագան Հայաստանի հետ