Հարոյանն ու Բայրամյանը բաժանվեցին ոչ-ոքիով

Ընթացքի մեջ է ֆուտբոլի Ռուսաստանի առաջնության չորրորդ տուրի հանդիպումները։ Երեկ կայացավ չորս խաղ։

Հայաստանի հավաքականի ֆուտբոլիստ Վարազդատ Հարոյանի «Ուրալը» ընդունել էր «Ռոստովի» հետ, որտեղ խաղում է Խորեն Բայրամյանը։ Լարված պայքարում անցած խաղն ավարտվեց 2։2 հաշվով։

«Կռիլիա Սովետովը» սեփական դաշտում 2։1 հաշվով պարտվեց «Լոկոմոտիվին», «Սպարտակն» ու «Դինամոն» անգոլ ոչ-ոքի խաղացին։ Ի դեպ, սա այս մրցաշրջանի առաջին 0։0 հաշիվն է։

Տուրի կենտրոնական խաղը կայացավ Սանկտ Պետերբուրգում։ «Զենիթի» եւ «Կրասնոդարի» գերլարված խաղն ավարտվեց 1։1 հաշվով։ Ընդ որում, գոլերը խփվեցին միայն 80-րդ եւ 90-րդ րոպեներին։

Top-News.am