Հայաստանի առաջնությունը սկսվեց «Շիրակի» տպավորիչ հաղթանակով

Գյումրու «Քաղաքային» մարզադաշտում կայացած «Շիրակ»-«Ուրարտու» («Բանանց») խաղով տրվեց Հայաստանի Բարձրագույն խմբի 2019/20 առաջնության մեկնարկը։

«Շիրակը» հաղթանակով մեկնարկեց առաջնությունում՝ 3-1 հաշվով առավելության հասնելով անվանափոխված «Ուրարտուի» (նախկին «Բանանց») նկատմամբ։ Արդեն առաջին կեսում Վարդան Բիչախչյանի թիմը հաղթանակի համար լուրջ հայտ ներկայացրեց՝ խփելով 2 անպատասխան գոլ․ 24-րդ րոպեին հաշիվը բացեց Արտեմ Գևորկյանը, իսկ 45-րդ րոպեին աչքի ընկավ Մորի Կոնեն։

Երկրորդ կեսի մեկնարկում՝ 58-րդ րոպեին, Կոնեն դուբլ ձևակերպեց։ Հանդիպման մնացած ժամանակահատվածում հյուրերին հաջողվեց միայն կրճատել հաշվի տարբերությունը․ 71-րդ րոպեին խաղի վերջնական հաշիվը ձևակերպեց Եվգենի Կոբզարը։

Այսպիսով, «Շիրակը» վաստակեց իր առաջին 3 միավորը, իսկ «Ուրարտուն» ձեռնունայն կվերադառնա Երևան։

Բարձրագույն խումբ, առաջին տուր

«Շիրակ»-«Ուրարտու»՝ 3-1
Գոլերը՝ Գևորկյան 24՛, Կոնե 45՛, 59՛ - Կոբզար 70՛